Imala kee jalqabdee
Gaafa eegaltu karaa
Obsaan qaxxaamuri
Bu'aa bahii maraa

Rakkoon si gaadi’ee
Sitti ta’us sakaallaa
Dandii kee gadhiiste
Hin adeemin faallaa

Waan ta’e hundumaaf
Hin jedheen bade woyyoo
Cabaaf dhabas obsii
Galmaan gahi kaayyoo

Gufuuleen baayyattee
Sitti dhiphistus daandii
Imala kee itti fufi malee
Tasuma hin kutiin abdii

Karaanis sitti dheeratee
Dadhabiin sitti cimuu
Kaayyoo kee hin jijjiirin
Ni injifatta rakkoo kamuu #Like share #Amiina _Oromoo