საქართველოს სუპერლიგის მოქმედი ჩემპიონი საკალათბურთო კლუბი „ქუთაისი“ ახალი სეზონისთვის ემზადება, რომელიც სტარტს 11 ოქტომბრიდან აიღებს. იმერული კლუბი ტიტულის შენარჩუნებას შეეცდება და ევროტურნირზე ისტორიაში პირველად იასპარეზებს, სადაც ქვეყნის პრესტიჟს დაიცავს. რა ცვლილებებია გუნდში, რამდენად კონკურენტუნარიანი იქნება ამჟამინდელი შემადგენლობა, რა იქნება გუნდის პროგრამა მინიმუმი და მაქსიმუმი, როგორც შიდა, ისე საერთაშორისო ასპარეზზე „ჯორჯიან თაიმსის“ სპორტულ თოქშოუში „დამატებითი დრო“, ს.კ. „ქუთაისის“ მთავარ მწვრთნელთან კოტე ტუღუშთან და გუნდის კაპიტანთან აკაკი დვალიშვილთან ერთად ვისაუბრებთ.