سڵاو لە کۆڕی گەرمی ئەدیبان کە لە دیوەخانی بنەماڵەی شەهیدان دەگیرێ. گەرمای دەروونی دایکی دڵ بەکوڵ، لەرزی ترس لە دڵی کەسیرەکانی سەرمای بێ ورەیی دەردەکا. زوقمی بێ ئیمانیی دەتوێنێتەوە و دەیکاتە گەندەنمی شەرمەندەیی، لە نێوچاوانی بێ خوێن و خۆبوێران هەڵدەنیشێ؛ یان بە فرمێسکی پەشیمانیی لە بێ ئیمانی و تاوانکاریی، بە چاوی سەرشۆڕاندا دێتەخوار. کۆڕی ئەدیبانی دڵ بەتاو، کە چەق و چۆی ترس لە دڵیان نەنیشتوە و کەڕەسیسەی بێ ورەیی نەبۆتە باری سەرلێویان، دڵیان بەیادی شەهێدان ئاوەدانە ؛ ژیاون و دەژین، بەو پێ و دانە . دەردی بێ باوەڕیی لەو کۆڕەدا دەرمانی دێ و بێ سەروسامانیی، لەوێ سامانی دێ. ئەو کۆڕە، کارگەی شیرگەرانە، شیری باوەڕی لێ هەڵدەبڕێنەوە. بڕیاری لێ دەدرێ و دووگومانیی لێ دەبڕێنەوە. بە تایەبەت کۆڕی ئەمڕۆمان کە میوانی بنەماڵەی شەهیدانی هەژدەی ڕەزبەرن ؛ ئەو ڕەزبەرەی کە خەزەڵی تەمەنی سێ شۆڕەلاوی وەراند و نەونەمامی باڵای، بە ڕەشاوی خوێنی گەش، ڕەنگاندن و کرمی خۆفرۆشی ئاوماڵ، لە ڕەگی دان و بە باڕەشی هێرشی داگیرکەر و دێڵەجاشان، ڕاهاتن و کەوتنە باوەشی گەرمی نیشتمانی بەئەمەکیان کە ئەو لاوانە و هەزاران لاوی بەشەرەف، خۆیان لەپێناو نا . هەژدەی ڕەزبەر، کە پاییزی باخی پێشمەرگەی هەراش کرد و نەمامی نۆبەری شۆڕەلاوانی خەباتی لەبەر خست؛ هەژدەی ڕەزبەر، کە چەتری سێبەری لاواندنەوە و دڵدانەوەی لە سەری نۆبووک و کۆرپە ساوا و پێڕۆکان، لادا و خێزانی بێ سەرەندەری، بێ داژدار و سەرپەرست کرد. ئەم کۆڕە، کۆڕی ئەدیبانی شەهیدپەروەرە کە جێداری شەهیدانی ڕیزی خەباتی لێ باردێن و چەکی میراتیی شەهیدانیان لەوێدا لێ دابەش دەکرێ .
پاییزە و بەرگی هــــــــەژارانی دڕی ڕاخوڕی و دار و دەوەن ڕەنگی پەڕی داری داماڵی خەزەڵوەر لە کـــەژان خشڵی زێڕینی بەنێو هەردیی پژان ڕەزبەری تێــپەڕی ، دار، بێ بەر مـــــان بێ بەر و ڕووتەڵی دەستی سەرمان ماتەمی زوقمە لەجیاتی شــــــــــــــادیی کونی ئەشکەوتە لەجێی ئازادیی کەڕەسیسە لە بری سوێسن و گوڵووک کزە هاویشتیە پێی زاوا و بووک کوردی ئاوارە لەگەڵ خاسەکەوان جێ ژیانیان ڕەوەزن ، ڕۆژ و شەوان بێنەوا و دەربەدەر و هاودەردن ڕەنجەڕۆی دەستی کەسی نامەردن خانەتەنگانەیە بۆ ئاواران چۆن دڕا بەرگی هـــــــــــەژار و داران وەک خەزەڵوەر بەزەڕە ڕەزبەرمان لێدەدا بۆ بەر و بەرگ و سەرمان بە کزەی هەڵدەوەرێن بەرگی گوڵان هەڵدەچۆقێنێ کزەی جەرگ و دڵان ڕۆژی قوربانییە هەژدەی ڕەزبەر قۆچی قوربانیی، کوڕی جەنگاوەر دەبڕێن سێبەری شۆڕەلاوان لەسەری هاوسەر و کۆرپە ساوان سەیــــری پێڕۆکە کە چاوەچاوی داخۆ کەی دێتەوە، باوکی لاوی بابی تیاچوو، بە شەرەفپارێزیی داییێ شانازیی، لەجێی ئامێزی ســوورەشێرم ، لە خەباتی سوورە کورد کوڕی وای هەیە وا ڕووسوورە دایدڕی لەبری بەرۆکی ، سینەی دەربڕێ، زۆرە لە دژمن کینەی قارەمانان سەریان نابــێ نەوی دەمرن نابنە کۆیلەی نەتەوی دڵـی پڕباوەڕی لاوان بــە خەبات دوانە ئامانجی، مەرگ یان ئاوات بۆو کڵـی شـۆرشە ئاوردوومــان لاوی تێکۆش و لە گیان بوردوومان ئەرکمانە نەبەزیی و نەسرەوتن خۆفیـدا کردنە تا سەرکەوتـن
==========
#سازمانی_خەباتی_كوردستانی_ئێران
#ئێران #کورد #کردستان
#sazmanixebat
#شۆڕشی_ژینا
#ژینا_ئەمینی
#پێشمەرگە
====================
FACEBOOK: / dengikhabatikurdistan
INSTAGRAME : https://www.instagram.com/reel/DAvJHG...
TELEGRAME : https://t.me/sazmanixebatikurdistan