رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/ما عليك سوى الانتساب إلى هذه القناة للاستفادة من المزايا:
   / @useridkawtherssanad  
انا مش قادرة اعمل أي تغيير في حياتي انا مصدومة ومش مصدقة اللي حصل فيا انا لحد دلوقتي مش عارفة استوعب اني عمري ضاع ع الفاضي ، انا مش عارفة اتحرك ولا خطوة انا حصل لي تجمد وحياتي وقفت من ساعة ماعرفت ان جوزي نرجسي وامي كمان اكتشفت انها نرجسية مش عارفة حكتشف ايه تاني
اعمل ايه عشان اخرج من اللي انا فيه حتى التشافي مش قادرة انفذه انا قاعدة ع الكنبة ليل نهار ومش حاسة بحاجة حواليا واولادي تعبوا مني
ده حال كتير من الحالات اول مابتسمع عن النرجسية هي بتيجي تقول لي أنا محتاجة اتشافى بس أنا مش عارفة أعمل التشافي أنا عايزاكي إنتي تقوليلي أعمل إيه أنا عايزة جلسات عشان أتعافى واتغير وافوق لاولادي طيب يا بنتي معملتيش التشافي ليه عشان مش قادرة اشوف حد مش عايز أخرج من البيت مش عايز أعمل أي حاجة مش قادرة
وبعض الحالات تقول لي أنا مش عارفة استمر أنا كل ما أبدأ أتراجع بطبق يوم وعشرة لأ أعمل إيه
شوفي الرغبة في التغيير بتيجي من رغبة البني آدم إنه يبقى شخص أفضل وعشان يبقى شخص افضل مفروض يعمل ايه مفروض يفهم هو السيستم بتاعه ايه عشان يعرف يغير فيه زي الكمبيوتر لما بيعطل كسوفت وير لازم اللي يشغله تاني يكون واحد فاهم كويس السوفت وير وفاهم السيستم اللي الكمبيوتر ماشي عليه عشان يعرف يغيره ويصلح العطل ، انتي نفس الكلام جهازك النفسي ومخك لهم نظام ماشيين عليه وعطل ومحتاج يتصلح ، طيب مين اللي فاهم النظام دة ؟ انتي فمحدش حيصلح لك السيتينةج غيرك ، طيب ازاي ؟ دلوقتي انا نظامي ايه؟ مثلا انا متعودة اصحى بدري الساعة ٤ قبل الفجر ومتعودة اصلي ركعتين قبل الفجر او استغفر وبعدين اصلي الفجر ومتعودة كمان اقرأ قرآن بعد الفجر وبعدين افطر ومتعودة كمان اشرب شاي مع الفطار واتصفح ايميلاتي وانا بفطر ، وبعدين اشرب قهوتي وابدأ شغلي مع القهوة
شوفي انا كررت كلمة متعودة كام مرة في كلامي عن ساعتين من يومي ، يعني ايه الكلام دة يعني احنا الانسان عبارة عن عادات كل يومك لو بصيتي له بدقة وتفصيل زي ما انا حكيت لك ساعتين الصبح حتلاقي نفسك ويومك عبارة عن عادات اما عادات صحية او عادات غير صحية والعادات دي هي السوفت وير بتاعك او البرمجة بتاعة مخك ولما تعطلي لازم تراجعي البرمجة والعادات دي وتصلحيها ، حتصلحيها ازاي بإنك تكتسبي عادات أفضل تطور حياتك تخليها حياة صحية أكثر ومتطورة أكثر بيبدأ التغيير من العادات البسيطة الصغيرة وتغيير عدد من العادات البسيطة حيؤدي لتغيير شكل الحياة تدريجيا . عشان احقق نجاح في حياتي كنت مقتنعة ومازلت ان اول خطوة هي التماس بركة البكور واني أكون في ذمة الله طول يومي يعني اصحى مبكرة اصحى بدري واصلي الفجر فأكون في ذمة الله ، تخيلي لو انتي في ذمة الله مش في ذمة النرجسي فيومك حيكون ازاي ، تخيلي انك تحصلي على بركة الوقت البدري وتكوني في ذمة الله دة بيحصل عن طريق تكوين عادة الصحيان بدري عادة بسيطة ممكن تغير حياتك كلها للافضل بس ايه العادة لازم تصاحبها النية لازم ربنا يكون ادام عينك في كل نفس عشان تربح التجارة ،
خدي بالك ان مجرد الرغبة في التغيير مش حتؤدي إلى أي حاجة مجرد شعورك بالضيق من وضعك الحالي مهما كان حجم ضيقك مش كفاية لإحداث تغيير ولا حتى العزيمة وقوة الإرادة حينفعوا لوحدهم ، الأداة الأهم والأكثر فعالية لإحداث تغيير هي التزام الالتزام هو إللي حيساعدك تكتسبي العادات الجديدة الصحية حتى لو كان ممل أو صعب أو مؤلم فهو أهم خطوة في التغيير واكتساب العادات الجديدة الصحية لما تاخدي قرارك إنك عايزة توصلي لحاجة معينة بتبقى عينك على النتيجة النهائية اللي حتوصلي لها ، النتيجة دي مجرد جزء بسيط جدا من الرحلة إللي مليانة خطوات كتيرة صغيرة ومملة ولازم تعمليها كل يوم لحد ما توصلي للنهاية ، التزامك بالخطوات الصغيرة دي هو إللي حيوصلك مش الإجبار وقوة الإرادة بس لا الصبر إللي هيخليكي تلتزمي وتعرفي تستمري لحد ما توصلي طبعا الإرادة مهمة والشغف والتحفيز هو إللي حيخليكي تنطلقي في البداية ولكن من غير الالتزام مش هتوصلي للنهاية ، فكرة إنك مجرد ما هتحددي هدفك وتعرفيه وتشوفي إن هو ده حلمك يبقى كده إنت قدامك طريق وردي جميل وإن عملية الوصول للهدف ده هتكون ممتعة فده غلط وده إللي بيخلينا مع أول عقبة في الطريق وأول صعوبة بنواجهها بنفتكر إننا ماشيين غلط ونغير الطريق أو حتى نستسلم خالص يعني لو مثلا حد قرر أن عايز يخس ٢٠ كيلو في خلال ست شهور وأتخيل نفسه بعد ما خس وحس بحماس رهيب وصحي تاني يوم الصبح فطر بيضة مسلوقة واتغدى تفاحة لو ما التزمش بخطة معينة كل يوم لمدة ست شهور هيستسلم من أول يوم لأن الهدف ده عشان يتحقق قدامه طريق طويل من المغريات إللي لازم نقاومها ومجهود كل يوم ونفس طويل وصبر والتزام ، الاستمرارية ولو بنص خطوة كل يوم التركيز على العملية نفسها مش على النتيجة التركيز على خطوة الجاية مش على الخطوة العاشرة ولا الأخيرة
الفكرة في اكتساب عادات صغيرة جديدة كتيرة في الطريق هتلاقي في النهاية نتيجة كل الخطوات الصغيرة مع بعض تغيير كبير
تكوين عادة جديدة بمثابة تغيير في اعدادات المخ بدل اكواد البرمجة بنعمل خطوات بسيطة صغيرة كل يوم بتوصلنا لتكوين عادة تساعدنا على تغيير حياتنا ، اللي قاعدة ع الكنبة بقالها شهرين ممكن تقوم من ع الكنبة النهاردة تمشي في الشقة عشر دقايق او تقف في البلكون عشر دقايق او تحرك جسمها بتمارين الصباح اللي كانت بتعملها في طابور المدرسة زمان تخيلوا اني لما بدأت الرياضة بعد ما كنت قاطعاها فترة بدأت بتمارين الصباح دي اول أسبوع كنت بعملها وبعدين لقيت نفسي بدأت افتح اليوتيوب واعمل زيهم وبعدين نزلت جيم وبعدين نزلت سباحة ..... الباقي في اول تعليق
#صحةـنفسية #القوة #الاكتئاب #النرجسي #النرجسية