لينك حجز الكورس ع الواتس:
https://chat.whatsapp.com/B8RBbEPYIzX...
رقم حجز الاستشارات : ٠٠٢٠١١٥٠٥٨٦٠٥٢
علاقة النرجسي بأمه علاقة مش مفهومة
دايما زوجة النرجسي تستغرب من علاقته بأمه سواء كانت الام نرجسية او سوية ، النرجسي في معظم الأحوال بيكون كاره للمرأة لانه بيكون اما ضحية لام نرجسية وطبعا حتكون هي السبب في كرهه للمرأة او انه ضحية لأب نرجسي وامه طبعا بتكون هي كمان ضحية للاب دة كزوجة وهي في نظر ابنها ضعيفة وماقدرتش تحمي نفسها ولا تحمي ابنها ، وبالتالي بتكون صورتها صورة للعجز اللي جواه ،العجز عن حماية نفسه من ابوه والدفاع عن نفسه او مواجهة ظلم ورفض ابوه له .
لكن مع ذلك بتلاقي ان النرجسي لما بتكون امه نرجسية بيكون متعلق بيها بشكل غريب وبيسمع كلامها ومعتبرها في قمة المثالية وهي المرجع الأخير له وهي اللي بتفهم وهي اللي طيبة وهي اللي مفيش زيها ،طيب ازاي الوضع دة ازاي عدم المنطقية دي ازاي هو بيكره المرأة بسببها وفي نفس الوقت متعلق بيها كل دة ؟ اللي بيحصل ان النرجسي بيكون مدمن لأمه النرجسية ومتعلق بيها تعلق مرضي زي ما انتي كنتي متعلقة بيه ومدمناه وانتي بتشوفي منه العذاب الوان ، ومش كدة وبس كمان الام النرجسية بتكون مصدر عظيم للوقود النرجسي لابنها النرجسي وبتكون بخبرة طبعا ومعرفة بابنها وطباعه ونقاط ضعفه وايه الكلام اللي بيحب يسمعه وايه اللي بيبسطه وازاي تجيبه وازاي تسيطر عليه ، فبالتالي بتلاقي ان تأثيرها عليه أحيان كتيرة جدا بيكون اقوى بكتير من تأثير زوجته . فتخيلي بقى النرجسي مدمن لها يعني رضاها بالنسبة له هدف من اهداف حياته زي ما انتي كنتي مع النرجسي قبل ماتفهميه وقبل ماتتعافي ، وكمان هو مابيصدق يحصلل منها ع القبول والرضا لان دة بيشبع عنده جوع قديم من الطفولة فبالتالي بيسمع كلامها وفي نفس الوقت الإدمان بيخليه متخيل انها احسن حد في الدنيا واعقل حد وانها فاهمة كل حاجة وبالتالي بيسمع كلامها بدون تفكير لدرجة انها ممكن تستغله وتضيع فلوسه وهو راضي ومبسوط ومش معترض . النرجسي مع امه هو صورة لكي أيام ما كنتي مدمناه ، وفوق كل دة هي مصدر عظيم من مصادر الوقود بتساوييكي تماما ان ماكانتش اقوى منك عشان كدة تلاقي النرجسي دايما عايز يروح عندها ودايما ملتصق بيها ومعظم النرجسيين اللي امهاتهم نرجسية بيفضلوا يسكنوا قريب منها ولو بعدوا بيقضوا معظم الوقت عندها لانه بيحصل منها ع الوقود بدون أي مجهود منه ،لا حتطلب منه مسئوليات ولا التزامات ولا علاقة مجهدة ، هي بتديه اللي هو عايزه بدون مجهود منه ، والنوع دة لما بيعاقب زوجتته بيروح عند امه مش دايما بيدور على مصدر جديد للوقود لا بيروح ياخد الوقود من امه واخواته لحد ماهم ينقوا له مصدر جديد ، طيب ايه اللي بيحصل للنرجسي لما بتموت الام دي؟
بيحصل له لخبطة مهولة في المشاعر ، ودة بيحصل سواء الام او الاب النرجسيين ،النرجسي بيحس بنوعين من المشاعر ،الأول غضب واستياء وحزن والتاني شعور بالعرية والسعادة . ازاي وليه؟ الغضب والاستياء والحزن لهم سببين الأول انه فقد مصدر مهم جدا للوقود النرجسي والتاني انه ماقفلش الملف بتاعهم يعني ماقدرش يحصل منهم ع القبول ولا قدر ياخد منهم حقه ولا قدر يواجههم ويقول لهم انهم ظلموه واهدروا كل حقوقه وسرقوا منه طفولته وشبابه ، اما الحرية والسعادة فمفهوم طبعا انه تحرر من سيطرتهم عليه وظلمهم له وبدأ يشعر بانتقال السلطة منهم لايديه هو وانه بقى حر نفسه ،
طيب لو كانت امه مش نرجسية بتكون علاقته بيها شكلها ايه وطبعا بيكون ابوه هو اللي نرجسي ، بيكون شايفها هي السبب في المشاكل وفي الفوضى اللي عاشوها ولو حصل انفصال بينها وبين النرجسي الكبير بيكون الابن النرجسي بيلقي عليها كل اللوم وبيوجه لها الاتهام ان هي السبب في الانفصال ودة طبعا بيكون ليه ؟ النرجسي برضه متعلق بابوه النرجسي تعلق مرضي ومدمنه وبيسمع كلامه ومقتنع ان هو اللي صح وبيكون موجات دماغه متناغمة مع موجات دماغ ابوه وبالتالي بيفكر تفكيره وبيقتنع بافكاره والأب النرجسي بيكون قدر يقلب دماغ ابنه ويكرهه في امه وبيدعي عليها افتراء وظلم ان هي السبب في كل اللي حصل وبالتالي بتلاقي النرجسي الابن علاقته بامه الضحية علاقة وحشة جدا