رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
هل يغار النرجسي على زوجته؟
لازم تتعلمي تحمي نفسك وتحافظي على صحتك النفسية إذا إنتي عايشة مع نرجسي عشان تعملي ده لازم تكوني فاهمة كل تصرفاته وكمان لازم تكوني فاهمة مشاعره وإللي جواه وإللي بيفكر فيه وإللي حاسس بيه عشان ميجيش وقت تتخدعي وتقولي لأ هو كويس هو بيحبني أنا إللي فاهمة غلط
من ضمن الحاجات إللي بتلخبطك وبتخليكي تشكي في نفسك إن النرجسي أحيانا بيظهر غيرة شديدة جدا عليكي خصوصا في بداية العلاقة فيقدر يفرض سيطرته ويحبسك و يسجنك ويتدخل في في النفس إللي بتتنفسيه في تعاملاتك مع أهلك ومع الناس إللي حواليكي بيكون حجته الوحيدة أصل أنا بغير عليكي طيب تعالي نشوف الدراسات قالت إيه في موضوع غيرة النرجسي وهل هو فعلا بيغير عليكي ولا لأ فإنتي لما تفهمي ده هتعرفي إن الموضوع مش موضوع حب الموضوع موضوع تحكم وسيطرة
الأبحاث العلمية والدراسات في علم النفس قالت إن النرجسي مش بيغير على شريكه الرومانسي مش بيغير على زوجته هو بيغير على نفسه يعني ايه الكلام ده؟ يعني لما حد يمدح زوجة النرجسي أو يقول عنها أي كلام كويس هتلاقيه بيتعصب و بيتنرفز ويعمل غضب نرجسي وبيتوتر وإذا كان في وسط الناس فهو بيبان عليه وشه بيتقلب لكن بيحاول يمسك نفسه مجرد ما بتوصلوا للبيت بيعملك غضب نرجسي طيب أول حاجة وأكبر دليل على أن هو مش بيغير عليكي إنه الإطراء ده أوالمديح لو حصل من ست أو راجل النتيجة بتاعته واحدة فدا معناه إيه هو غيران عليك من 16 غيران عليك من أختك ولا من صاحبتك ولا من مرات أخوكي ولا هو غيران على نفسه طيب تعالي أما نشوف كده مع بعض بالراحة الدراسات قالت إيه في الموضوع ده علشان نبقى بنتكلم كلام علمي واضح وصريح ،
في دراسة أتعملت سنة 1988 عملوها راسكن وتري اتعملت عن مقياس الشخصية النرجسية الدراسة دي تناولت العناصر الأساسية لشخصية النرجسي وإن إزاي النرجسي بيسعى لإنه يحس بنفسه عن طريق الاهتمام والإعجاب من الآخرين من ضمن الحاجات إللي كشفتها الدراسة دي إن النرجسي بيحس إن أي إشادة أو مديح لازم تكون له هو لوحدة وأي مديح أو اهتمام بأي حد غيرهم يعتبر تهديد شديد لهم لشخصيتهم أو مكانتهم كمان الدراسة دي أظهرت إن النرجسي بيعاني من الحساسية المفرطة تجاه الثناء أو المدح أو الاهتمام إللي بيحصل عليه الآخرون خاصة الزوجة وبيحس بالغيرة أو الإهانة لما أي حد غيره يتوجه له مدح أو إطراء وهو موجود هو على طول بيحس إن مدح أي حد غيره مقصود بيه إن هذا الشخص جميل وإنت قبيح على طول حتى إنتي في حياتك معاه لو قلتي مثلا إيه أي صفة كويسة في أخوكي حتلاقيه بيتنطط ويطلع فيه القطط الفاطسة ويذكر عيوبه ويقول لك أو لو مسك نفسه قوي حيقول مثلا لو قلتي أخويا ده ذكي جدا هقول لك أنا أصلا مفيش حد أذكى مني على طول لازم يرد كأن إنتي لما بتقولي أخويا زكي بتوجهي له اتهام بإنه غبي على طول كده دي الترجمة عنده طيب بنستنتج إيه من الدراسة دي بنستنتج إن أي مديح أو اهتمام هيتوجه لك النرجسي يكون شايف إن مفروض يتوجه له هو لأن هو أهم وأكثر استحقاق للإعجاب وإنتي إزاي تاخدي منه الاهتمام حتى لو من أهلك
كمان دراسة ثانيه تعملت سنة 2002 عن النرجسيين والعلاقات العاطفية وإزاي بيتعامل النرجسي مع شريكته في مواقف تتعلق بالمديح والإعجاب ، الدراسة لقت إن النرجسيين بيظهروا غيرة وتنافس لما شركائهم يحصلوا على أي مديح من الآخرين الغيرة دي مش نابعة من حب أو خوف من فقدان الشريك لكن نابعة من شعوره بالاستحقاق للمديح دة ، فالدراسة دي كمان بتأكد إن النرجسي بيعتبر أي مديح موجه لشريكه نوع من التهديد لمكانته
وبما إن النرجسي نظرته لزوجته أو شريكته ان هي إما امتداد له أو إحدى ممتلكاته فهو أكيد مش هيحب إن حد يآخدها منه وهنا قالوا إن الغيرة بتكون ناتجة عن منافسة مع الآخرين يعني مينفعش حد يجي يأخذ ممتلكاتي وفي نفس الوقت إذا إنت هتحصل على اهتمام زوجتي فدة معناه ان إنت بتنافسني مشي الفكرة إنه زوجتي وأنا بحبها وبغير عليها لأ ده مش موجود عند النرجسي والدليل على كده إن هم بتفضل الغيرة دي موجودة بعد ما بيطلق المفترض إن بعد الطلاق انتهت العلاقة تماما لكن الغيرة بتفضل موجودة ، وبيبقى في انتقام شديد جدا لو عرف إن هي حتتجوز بعد ما اتطلقت وممكن يرجعها بس عشان ي يدافع عن الأنا بتاعته او انه ينتقم منها طبعا عشان هي فضلت حد عليه
كمان حاجة مهمة جدا بالنسبة لغيرة النرجسي عليكي زي ما قلنا هو بيستخدمها كوسيلة لفرض السيطرة ولحبسك والسجن لك و وتلبسي ده متلبسيش ده تكلمي ده متكلميش ده تقعدي في البيت متشتغليش ماتكلميش جوز أختك ماتكلميش أخوكي ماتكلميش فلان حتى ولو بطريقة شرعية و بحجابك وكل حاجة طيب ما تقضيش مصالح ولادك ما تقضيش مصالحك وبعدين تعتمدي عليه أعتماد كلي في كل حياتك وبالتالي متقدرش تستغني عنه فهو بيستخدم الغيرة كنوع من أنواع السيطرة وخصوصا في بداية العلاقة لما يقعد يقول لك بحبك وبغير عليكي طيب العجيب الغريب في الموضوع إن هو نفس النرجسي المسيطر إللي خايف حد يكلمك وإللي مش عايز تكلمي حد واو لو حصل موقف فيه حد عاكسك قدامه أو اتحرش بيكي هو بيعمل نفسه مش شايف ولو قلتي له إن فلان عمل كذا هيقول لك لأ ده مش قاصد، خصوصا لو فيه تجمع من الناس ، الأبحاث قسمت النرجسيين في الموضوع ده للنوعين المعروفين الرئيسيين إللي هما الظاهر والخفي قالوا بالنسبة للنرجسي الظاهر إللي هو بيعلن قوته وجبروته في كل مكان وعنده ثقة بنفسه إنه مش بيسكت وبيتدخل وببيعمل مشكلة مش عشان يحمي زوجته ولا عشان غيران عليها لأ عشان يظهر قوته قدام الناس ويوري الناس إن هو الراجل الشهم العظيم أحيانا يتدخل بشكل فيه خناقات وكلام من ده عشان يظهر .. الباقي في اول تعليق
0:000:22 المقدمة
0:221:54 هل بيغار عليكي ؟
1:548:20 الدليل من الأبحاث
8:2012:01 هل هيدافع عنك ؟
12:0112:22 الخاتمة
#صحةـنفسية #القوة #الاكتئاب #النرجسي #النرجسية