යුරෝපයේ රටවල් 26 ක් සඳහා ලෝකයේ ඕනෑම රටකින් ලබාදන වීසා බලපත්රය ෂෙන්ගන් නම් වෙයි. එම වීසාවට ෂෙන්ගන් යන නම ලැබී ඇත්තේ යුරෝපයේ රටවල් අතර අභ්යංතර දේශසීමා පරීක්ශාවන් අහෝසි කරන ලද ගිවිසුම අත්සන් කරනු ලැබුවේ ලක්සම්බර්ග් නම් රටේ ෂෙන්ගන් නම් වන කුඩා ගමේදී බැවිනි. මෙම ගම පිහිටා ඇත්තේ එරට ජර්මනිය සහ ප්රංශය දේශසීමා හමුවන තුන් මුල්ලක වීම ඊට හේතුවයි. 1985 දී ජර්මනිය, ප්රංශය, නෙදර්ලන්තය, බෙල්ජියම සහ ලක්සම්බර්ග් යන යටවල් පහ විසින් මෙහිදී අත්සන් කරන ලද එකඟතා ගිවිසුමට අනුව ඉන් වසර 10 කට පසු එම රටවල් අතර දේශසීමා පරීක්ශාවන් ඉවත් කොට රේගු බදු අයකිරීම්ද අහෝසි කරන ලදී. ඒ වන විටත් පෘතුගාලය සහ ස්පාඤ්ඤයද මෙම මිතුරු කණ්ඩායමට එක්ව සිටි අතර ඉන් පසු ඉතා සීග්රයෙන් ජනප්රිය වූ ෂෙන්ගන් ක්රමය තුලට යුරෝපයේ බොහෝ රටවල් ඉල්ලුම් කරමින් ඇදී එන්නට විය. කලක් යනවිට යුරෝපා සංගමයට අයත් නොවන රටවල් 4 ක් ද මීට ඇතුල් වීමත් සමඟ අද වෙත්දී ෂෙන්ගන් කණ්ඩායම රටවල් 26 කින් සමන්විත වේ.
තවත් රටවල් කිහිපයක්ම මීට ඉල්ලුම් කර ඇති බැවින් නොබෝ දිනකින්ම ෂෙන්ගන් පවුල තවත් විශාල වනු ඇත. මුල සිටම මහා බ්රිතාන්යය සහ අයර්ලන්තය මෙම කණ්ඩායමට විරෝධය පාමින් ඉන් දුරස්ව සිටි අතර මේ වන විට බ්රිතාන්යය යුරෝපා සංගමයෙන්ද ඉවත්ව සිටී.
ලෝකයේ සියලුම තානාපති කාර්යාල වලද, ලෝකය පුරා ඇති සියලුම ජාත්යංතර ගුවන් තොටුපලවල් වලද, කෝටි සංඛ්යාත ජනතාවක් අතරද සෑම දිනකම කෝටි සංඛ්යාත වාර ගණනක් කියැවෙන ලියැවෙන ගමක නමක් ඇත්නම් ඒ ලක්සම්බර්ගයේ ෂෙන්ගන් පමණී. නමුත් සුවිශේෂම කරුණ වන්නේ ඒ අති බහුතරය ෂෙන්ගන් යනු ගමක නමක් බව නොදැනීමයි.
ඒ එක පැත්තකි. අනිත් අතින් මට තවත් පුදුම අත්දැකීමකට මුහුන දීමෙන් එහිම තවත් මමවත් නොසිතූ පැත්තක් අනාවරණය විය. මෙම ෂෙන්ගන් වීඩියෝව සඳහා මා එදින රැය ගතකලේ මේ ගමේ ඇති යූත් හොස්ටල් නවාතැනේය. රාත්රී කෑමෙන් පසු එහි පිලිගැනීමේ නිලධාරිනිය වශයෙන් සිටි තරුණීය හා සුහද පිලිසඳරක නියැලුනෙමි. දෙවසරක සිට එහි වැඩ කරන ෂෙන්ගන් ගමේම නිවසක පදිංචිව සිටින ඇය, යුරෝපයට දෙන වීසා බලපත්රයේ නම ෂෙන්ගන් බව මා කියන තුරු නොදැන සිටියාය.
ලෝකය කෙතරම් පුදුම තැනක්ද ?
ලෝකෙවටේ සුදන්තක
Facebook : / sudanthakalokewate
Instagram : / lokewatesudanthaka
Facebook Group : / 258798072350671
Facebook Page : / lokewatesudanthaka
My YouTube Channels :
/ lokewatesudanthaka
/ sudanthakavlog
#Hirunews #Adaderana #NewsfirstSriLanka #NewsLankaLive #NewsCenter #Wishwayadakimu #VFMradio107 #Thenewsreporter #Thelifetraveler #Slvlog #TruthwithChamuditha #Sudaacreation #Satahanradio #Sldeshaya #Haritv #Siyathanews #Swarnavahinitv #Voicetube #SLstuff #Testone
#LokewateSudanthaka #SudanthakaVlog #Schengen