ဒုစစ်ခေါင်းဆောင်ရဲ့ နမခ ခရီးစဉ် ဘာလဲ (ရုပ်/သံ)
ယဉ်မွန်၊ အောက်တိုဘာ ၁၇၊ ၂၀၂၄
အာဏာသိမ်း စစ်တပ်ရဲ့ ဒုတိယဗိုလ်ချုပ်မှူးကြီး စိုးဝင်းဟာ အောက်တိုဘာလ ၁၄ ရက်နေ့က စစ်ကိုင်းတိုင်းဒေသကြီး အစိုးရအဖွဲ့ရုံးနဲ့ မုံရွာမြို့ နယ်မြေခံတပ်မတော်ဆေးရုံတို့ကို သွားရောက်ခဲ့ပြီး တပ်မိသားစုတွေနဲ့ တွေ့ဆုံခဲ့ပါတယ်။
ဒါဟာ စစ်ကိုင်းတိုင်းဒေသကြီးအတွင်းက ပင်လည်ဘူး၊ ရွှေပြည်အေး၊ ခမ်းပါတ်၊ မြို့သစ်နဲ့ မော်လူးမြို့တွေကို အမျိုးသားညီညွတ်ရေးအစိုးရ (NUG) တပ်တွေနဲ့ ပူးပေါင်း တော်လှန်ရေးတပ်တွေက ထိန်းချုပ်လိုက်ပြီးတဲ့နောက် ခုလိုရောက်ရှိလာခဲ့တာ ဖြစ်ပါတယ်။
ဒုစစ်ခေါင်းဆောင်ရဲ့ ခရီးစဉ်ဟာ ပွင့်လင်းရာသီ စစ်ဆင်ရေးအတွက် ပြင်ဆင်မှုတွေ ဖြစ်နိုင်တယ် ဆိုတဲ့ ခန့်မှန်းချက်တွေရှိနေပေမယ့် ဒီခရီးစဉ်ဟာ စစ်ကိုင်းတိုင်းအတွင်း စစ်ရေး အထိနာမှုတွေနဲ့ စစ်ဆင်ရေး ခြိမ်းခြောက်မှု ခံနေရတဲ့ မုံရွာအခြေစိုက် အနောက်မြောက်တိုင်းစစ်ဌာနချုပ် (နမခ) မကျသွားရေး အတွက် လာရောက် အားပေးတာပိုဖြစ်နိုင်တယ်လို့ နိုင်ငံရေး၊ စစ်ရေး လေ့လာသူတွေက သုံးသပ်ကြပါတယ်။
#မြန်မာ #ဧရာဝတီ #နမခ #မုံရွာ #ဦးရည်မွန် #စိုးဝင်း
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR