رق الحبيب.. غناء كريمة الصقلي
الأغنية من أجمل ما غنت أم كلثوم
كلمات أحمد رامي وألحان محمد القصبجي

إشترك في القناة ليصلك كل جديد

رق الحبيب و واعدني يوم .. و كان له مدة غايب عني

حَرَمت عيني الليل من النوم .. لاجل النهار ما يطمّني

صُعُب عليّ أنام .. أحسن أشوف في المنام

غير اللي يتمناه قلبي

سِهِرت أستنّاه .. و اسمَع كلامي معاه

و اشوف خياله قاعد جنبي

من كُتر شوقي سبقت عمري .. و شُفت بكره و الوقت بدري

و ايه يفيد الزمن مع اللي عاش في الخيال

و اللي في قلبه شجن .. أنعَم عليه بالوصال

طلع عليّ النهار .. سهران بنور الأمل

و غنّت الأطيار لحن الهوى و الغزل

و فضلت أفكر في معادي .. و احسب لقربه ألف حساب

و كان كلامي مع صحابي .. عن المحبة و الأحباب

من فرحتي بدي اتكلم .. و أقول حبيبي مواعدني

لكن أخاف ليكون بينهم مظلوم في حبه يحسدني

هجرت كل خليل ليّ .. و فضلت عايش مع روحي

أحسن يبان شيء في عينيّه .. من كتر خوفي على روحي

و لما قرّب معاد حبيبي و رُحت أقابله

هنّيت فؤادي على نصيبي من قرب وصله

و لقيتني طايل من الدنيا كل اللي أهواه

بس اللي كان فاضل ليّ أسعد بلقاه

لما خطر ده على فكري حيّر أمري

و القرب سبّب تعذيبي

ولقيتني خايف على عمري ليروح منّي

من غير ما اشوف حُسن حبيبي...