كيك بمقاسات صغيره بيتعمل في عشر دقائق
المكونات : 1/2 كوب زبده 1/2 كوب شوكولاته 1/2 الى 3/4كوب من السكر( حسب رغبتكم) 1/3 كوب دقيق 1 معلقه صغيره فانيليا 1معلقه صغيره بيكنج باودر 3بيض
هتحتاجوا وعاء عميق هنسيح في الشوكولاته نعمل فيه الكيك ويكون تحته حله فيها ميه سخنه بمقاس اصغر من الطبق اللي هنعمل فيه الكيكه والسبب ليه طبق يكون اكبر من الحله علشان الميه السخنه ما تدخلش جوه الطبق اللي بنعمل فيه الكيك ودي ملحوظه مهمه جدا خلوا بالكم منها
الطريقه:
جيب الحله اللي فيها ميه سخنه بتغلي وهي على البوتاجاز كده على نار هاديه والميه بتغلي نحط الشوكولاته بالنسبه لي استخدمت نوعين من الشوكولاته (تشوكلت شيبس و مكعبات شكولاته خبز) تقدروا تختاروا حاجه واحده منها بنقلب شوكولاته على بخار الميه لغايه لما تسيح ونضيف نص كوبايه الزبده ممكن تقطعوها صغير او مكعبات علشان تسيح بسرعه ومع التقليب بالمضرب السلك او معلقه لغايه لما الاثنين شوكولاته والزبده يندمجوا مع بعض ويبقوا سايحين وبعدين نحط السكر ونكمل في التقليب لغايه لما السكر يذوب خالص نبتدي نشيل الحله من على النار ونحط البيض بالتدريج واحده واحده يعني نحط واحده ونضرب بسرعه بسرعه عشان ندخل له هواء ويبقى بارد والبيض ما يستويش وبعدين ننزل بالبيضه اللي بعدها ونضرب كويس وهكذا لغايه لما نخلص مقدار البيض بعد كده نحط الفانيليا ونقلب ننزل بعد كده بمقدار الدقيق والبكنج بودر ويا ريت يبقى منخول ونقلب كويس بالمضرب لغايه لما الدقيق يندمج مع بقيه المكونات بس بلاش نقلب يعني كثير علشان العجينه ما تتقلش ملحوظه في وسط الشغل واحنا بنحط السكر والدقيق نستخدم سباتيولا علشان تتاكد ان ما فيش اي مكونات لازقه في الطبق من تحت وما اتخلطتش مع مع بقيه الخليط
ونجيب القوالب الصغيره هي لازم تكون قوالب صغيره عشان ما تاخذش وقت طويل في الفرن وبالتالى الشيكولاته تفضل سايحه
امسحوا القوالب بالزبده وبعدين رشو دقيق وتتاكدوا انها مدهونه كويس وتنفضوها وتتخلصوا من الدقيق الزياده او ممكن ترشوها بالسبراي المخصص للخبز
حطوا القوالب على صينيه ودخلوها فرن تكون مسخنه مسبقا على درجه 190 مؤيه اخذت مني حوالي 20 دقيقه وطلعت بالشكل اللي انتم شايفينه ولو عايزينها تبقى سايحه اكثر من كده يبقى تعلوا درجه الفرن اكثر وبالتالي الوقت يقل فتطلع سايحه اكثر.
ولما بتخرج تسيبوها تهدى شويه كده وتبرد بسيط بعدين تبتدوا بالسكينه كده بالراحه خالص تمشوها على الجناب عشان تفكوها وتقدروا تقلبوها. لو استنيتوا عليها كثير ممكن الشوكولاته تجمد .ممكن تتقدم مع ايس كريم واي فاكهه تحبوها ويترش عليها سكر بودره وبالهناء والشفاء لو عجبتكم اعملوا اعجاب ما تنسوش تتابعوا الصفحه وتشاركوا الوصفه مع اصدقائكم