عجينة معجنات مضبوطه وهشه مره
كاسين ونص دقيق ابيض وكاس حليب سائل وملعقتين زيت وملعقة كبيره سكر وملعقة كبيره خميره وذرة ملح وملعقتين كبيره زبادي
نفعل الخميره مع الحليب والسكر لين تتفاعل ٥ دقايق فقط بعدها نضع الزيت والزبادي والملح والدقيق على الخميره والحليب ونعجن لمدة ٨ دقايق ٣ دقايق على سرعه هاديه و ٥ دقايق على سرعه عاليه لين تصير ناعمه وملساء وطريه نغطيها لمدة ٣٠ ٤٠ دقيقه حتى تختمر بعدين نشكلها ( بيتزا كروسان خلية نحل فطاير …… الخ)
صوص البيتزا
نحمس بصل وثوم وفلفل اخضر بارد وحار مفرومات ناعم بزيت زيتون حتى يذبلن وتطلع ريحتهن بعدين نحط نص علبة صلصه ونحمس بعدها نحط ملعقتين بابريكا بارده وفلفل اسود وملح وحبة ماجي او بديل الماجي ) ونحرك بعدها نخلط بخلاط الطماطم ٤ حبات طماطم وسط ونصبها على البصل ونعلي النار لين يتبخر الماء وتثقل اخر شي نحط زعتر بري ناشف ونسكر عليه واذا برد نحطه بعلب وبالفريزر وبالعافيه
اسباب نجاح المعجنات
١نعجن ونطول بالعجن على الاقل ٨ دقايق بالعجانه
٢ العجينه تصير لينه وناعمه وملسا وليست قاسيه ( لان كل ماصارت لينه صارت المعجنات هشه وطريه )
٣ اذا شكلناها نغطيها بفوطه لمدة ١٠ دقايق حتى يتضاعف حجمها
٤ نشغل الفرن قبل خبز المعجنات ونخلي النار عاليه وبالرف الاوسط علشان ماتطول المعجنات بالفرن وتيبس وتنشف.