تعريف وشرح كامل لمواصفات الشركة المساهمة
لمزيد من المعلومات الهامة
https://aboalafkar.blogspot.com/2022...
الموقع الالكترونى
https://aboalafkar.blogspot.com
صفة فيسبوك
/ aboalafkaralexandria
أنواع الشركات التجارية
• ما هى انواع الشركات
شركة التوصية بالأسهم
• ما هى شركة التوصية بالأسهم واهم خصائصها
شركة التوصية البسيطة
• ما هى شركة التوصية البسيطة واهم خصائص...
شركة التضامن
• ما هى شركة التضامن واهم خصائص ومواصفا...
الشركة ذات المسئولية المحدودة
• ما هى الشركة ذات المسئولية المحدودة و...
النص:
السلام عليكم ورحمة الله
محمد فكرى معاكم من قناه أبو الأفكار وأهلا بيكم فى فيديو جديد
بعد ما اتكلمنا عن شركات الاشخاص إللى هما شركة التضامن وشركة التوصية البسيطة
النهارده ح نبدأ نتكلم عن شركات الأموال وأولهم وأشهرهم الشركة المساهمة.
بس قبل كا نبدأ لو انت لسه ما إشتركتش فى القناه ما تنساش تشترك وتفعل الجرس علشان يوصلك كل جديد.
ولو عجبك الفيديو واستفدت منه ماتنساش تعمل لايك وشير علشان غيرك يستفيد.
ويلا بينا نبدأ
شركات الأموال بتختلف عن شركات الأشخاص فى اعتبار مهم جدا وجوهرى
ف فى الوقت إللى شركات الأشخاص بتقوم فيه على الاعتبار الشخصى للشركاء والثقة المتبادلة بينهم
الموضوع فى شركات الأموال بيبقى مختلف تماما ، ف الاعتبار الأول فيها بيكون للأموال ذاتها مش للأشخاص.
فيه تلات أنواع لشركات الأموال:
الشركة المساهمة
شركة التوصية بالأسهم
الشركة ذات المسئولية المحدودة
والنهاردة ح نبدأ كلامنا على الشركة المساهمة.
الشركة المساهمة عبارة عن شركة تهدف إلى الربح تم تكوينها حسب القانون برأس مال مقسم إلى أجزاء متساوية يسمى كل جزء منها باسم سهم.
وبيتم طرح الأسهم دى للبيع أول مره فيما يطلق علية إكتتاب عام.
والمشاركين فى الشركة بيكون اسمهم مساهمين ، لأنهم هم حملة الأسهم.
زى ماقولنا أساس الشركة المساهمة هو الإعتبار المالى وليش الشخصى
وده بيخلى الشركة عبارة عن كيان قوى مستقل بذاتة تماما عن المساهمين
ف الشركة لن تتعرض للإفلاس فى حالة إفلاس احد المساهمين
لا يتم حل الشركة فى حالة وفاة احد المساهمين
حصص المساهمين فى الشركة إللى هى الأسهم بيتكون قابلة للتداول بحرية مطلقة بدون شروط نهائياً ، وبيتم تداولها فى سوق الأوراق المالية أو البورصة.
مسئولية المساهم عن ديون الشركة لا تتعدى بأى حال من الأحوال قيمة الأسهم المملوكه ليه ، بعكس شركات الأشخاص واللى بيكون فيها الشريك مسئول عن ديون الشركة حتى فى أمواله الشخصية.
عملية إدارة الشركة المساهمة بتتم عن طريق مجلس إدارة منتخب من الجمعية العمومية للشركة إللى هما حملة الأسهم.
وبيتم عمل إجتماع سنوى للجمعية العمومية لتقييم ومتابعة أداء مجلس الإدارة.
الشركة المساهمة بيتم تكوينها عن طريق اجتماع الشركاء المؤسسين واللى القانون اشترط ان عددهم يكون على الاقل 7 شركاء وبيتم كتابة عقد ابتدائى للشركة مستوفى كافة الشروط القانونية
وبيتحدد رأس مال الشركة وبيتم تقسيمة إلى اسهم ولا يتم اعتبار الشركة قائمة الا بعد سداد كل قيمة راس المال إللى تم الاعلان عنه فى العقد فى شكل اسهم.
عقد الشركة المساهة زى عقود شركات الافراد له أركان وإشتراطات محددة يجب ذكرها فى بنود العقد وهى:
عنوان او مقر الشركة وأسماء الأعضاء المؤسسين وبياناتهم الشخصة
قيمة رأس المال وكيفية تقسيمة إلى أسهم.
نشاط الشركة أو الغرض من انشائها.
إقرار كافة الشركاء المؤسسين بقبول كافة قرارات مجلس الإدارة.
إقرار بالإكتتباب فى كافة رأس مال الشركة المعلن عنه.
مجلس الإدارة
الشركة المساهمة بيتم إدارتها عن طريق مجلس إدارة منتخب لا يقل عدد مجل الإدارة عن 3 أشخاص
وبيتم إنتخاب مجلس الإدارة من كافة المساهمين فى الشركة واللى بيطلق عليهم الجمعية العمومية للشركة
الجمعية العمومية
الجمعية العمومية للشركة هى عبارة عن كافة المساهمين فى الشركة أو حملة الأسهم واللى بيبقى ليهم حق الملكية .. وبناء علية بيتم اجتماع الجمعية العمومية عدة مرات ولعدة أسباب.
أول اجتماع للجمعية العمومية للشركة هو الإجتماع التأسيسى للشركة.
بعد كده بيبقى فيه اجتماع سنوى اسمة اجتماع الجمعية العمومية العادية ودة بيتم فيه مناقشة القوائم الماليه الختامية للشركة ومتابعة اداء مجلس الادارة وتجديد انتخاب مجلس ادارة جديد.
وفيه اجتماع تانى اسمه اجتماع الجمعية العمومية غير العادية ... وده بيبقى اجتماع للجمعية العمومية بدعوى من مجلس الادارة لمناقشة اى ظروف استثنائية لا يحتمل تأجيلها لميعاد اجتماع الجمعية العمومية العادية.
مميزات شركة المساهمة
من اهم مميزات الشركات المساهمة هى ضخامة رأس المال واللى بيمكن الشركات المساهمة من الدخول فى أنشطة اقتصادية ضخمة ومشاريع عملاقة وبالتالى العائد المادى بكل تأكيد بيكون أكبر.
تقسيم رأس المال إلى أسهم بيمكن أى شخص عادى انه يبقى مشارك فى شركة عملاقة وكمان بيقلل المخاطر بالنسبة لحملة الأسهم.
الشركات المساهمة بتتميز بمرونة شديدة لدخول وخروج الشركاء أو حملة الأسهم لان تداول الأسهم دى بيتم فى سوق الأوراق المالية أو البورصة بكل سهولة.
أتمنى انى اكون قدرت أغطى جوانب كتير بخصوص موضوع الشركات المساهمة وان شاء الله فى الفيديوهات إللى جاية ح نكمل باقة انواع شركات الأموال