رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
من أكبر مشاكلك في علاقتك مع النرجسي إنك هتلاقي نفسك دايما إنت المسؤولة وإنت الشخص البالغ في العلاقة دي وإنتي إللي بتعملي كل حاجة ورغم كده النرجسي شايف نفسه هو المسؤول وهو المسيطر
النرجسي عايز يسيطر على كل حاجة في العلاقة وبيستخدم الفلوس غالبا في الحكاية دي فيسيبك مثلا من غير أكل طول اليوم وميكنش سايب فلوس في البيت أو إنه ميسبش فلوس وهو عارف إن إنت عندك مشوار مهم أو أصلا مش بيديكي فلوس في إيدك ولا بيخليكي تصرفي وسايبلك فيزا كل شوية يقفلها ويرجع يفتحها ، حاجات تافهة هو بيحاول يفرض بيها سيطرته عليكي طول الوقت ويقنع نفسه بيها إن هو المتحكم في كل كبيرة وصغيرة في البيت وفي اللي عايشين في البيت سيطرة النرجسي زي الطفل بالظبط عايز يبقى المدير لكن في الواقع هو مبيعرفش يعمل أي حاجة ولا في الإدارة ولا في غير الادارة
يعني ساعة الجد حتلاقي نفسك إنت إللي بتتصرفي إنتي إللي بتحلي المشاكل إنت إللي بتقضي طلبات البيت إنت إللي بتصلحي وتجددي أي حاجة تخرب إنتي إللي بتودي الاولاد المدرسة والتمرين إنت إللي بتاخدي مواعيد مع السباك والكهربائي إنتي بتروحي تجيبي طلبات البيت إنتي إللي بتودي الولاد للدكتور إنتي حتى إللي بتجاملي أهله بإسمه ، أي مشكلة إنت إللي بتحليها وأي حاجة مهمة إنت إللي بتعمليها لو معملتيش كل ده هيبهدلك ويهينك ويقول لك إن إنتي مقصرة مش بتعملي إللي عليكي طبعا ما حيصدق يفرض سيطرته أكثر وما حيصدق يفرض عليك قيود جديدة لأن إنت مقصرة
مشكلة النرجسي إن هو أناني ومالوش دعوة بحد مش هيعمل غير إللي يريحه بس حيتجاهل مسؤولياته عشان إنتي جاية تشيليها عنه برغم من كده بيكون شايف نفسه أذكى منك واشطر منك في كل حاجة إنتي مبتفهميش أصلا مابتعرفيش تعملي أي حاجة من غيره وحتلاقيه بيستخدم الفلوس دايما عشان يحس بالسيطرة لإن دي الحاجة الوحيدة إللي بيعملها أو الحاجة الوحيدة إللي مخلية له لازمة أو بمعنى أصح إللي مقعداكي معاه ، الطبيعي إنك تبقى شخص مسئول وبالغ وتبقى أم تقدري تراعي مصالح أولادك لكن مش طبيعي إنك تعملي كل ده لوحدك مش طبيعي إنك إنت تبقي أم وأب وهو في أب موجود أصلا في الحياة ، مش بس كده إنتي كمان بتعملي ده للنرجسي كأنه هو كمان عيل من عيالك ومسؤول منك والأسوأ من كل ده إنك مسؤولة من غير سلطة يعني هو متحكم ومسيطر سواء في الوقت في الخروج في الدخول في الفلوس وإنتي بتتحركي زي الدمية وتنفذي كل إللي هو عايزه لكن ساعة الجد متعرفيش تاخدي قرار عشان هو صاحب القرار متقدريش تقرري حاجة مهمة في مستقبل ولادك ولا في بيتك لأن هو مش هيسمح لك بده ما تقدريش تتصرفي بحرية ولا تقدري تخططي وتاخدي أي خطوة من غير إذن ولو حتى أخذتي الإذن وسابك عشان عارف إن هو مش هيعرف يعمل حاجة وإنت إللي لازم تعملي فمفيش أي دعم ولا التشجيع ولما بتحلي المشكلة وتعدي بيعمل حاجة من إثنين يا إما ينسب حل المشكلة لنفسه ويدعي إنه هو إللي حلها يا إما ينتقد طريقتك في حل المشكلة ويطلع أي حاجة غلط في إللي إنتي عملتيه يا إما يتجاهل الموضوع تماما وده بيكون أحسن واحد في النرجسيين إللي مش بيشكرك ولا بيذكر الموضوع عادي جدا كأنك معملتيش أي حاجة ولا أي إنجاز ولا حليتي مشكلة عظيمة في حياته وفي كل الأحوال إنت بتنضغطي وبتحسي بالظلم وبتحسي بالإهمال منه
طيب من المفترض إن إنت دلوقتي فهمتي القصة دي كلها وعرفتي إن دي من أكبر مشاكلك مع النرجسي طيب هل في طريقة إن إنتي تقللي مسؤوليتك أو ترميها على النرجسي أو هل في طريقة إن إنت تتخلصي من سيطرته شوفي زمان كنت بقول إن إحنا ممكن نشيله شوية من المسؤوليات يروح يودي تمرين يروح ي يجيب طلبات البيت إللي تقدري تخليه يعمله خليه عن طريق نظام مكسب مكسب وفيه ناس فعلا حاولت تعمل الحكاية دي ونجحت فيها لكن نقطة مهمة جدا أنا عايزاكي تنتبهي لها تاخذي بالك منها وتحاولي على قد ما تقدري تتجنبيها ، لما بعض الحالات بدأت تسيبه يودي الاولاد التمرين بدأت تلاحظ إن بيحصل تغير في تفكير الولد أو البنت بدأت تلاحظ إن الولد بدأ يبقى معاها مش طبيعي بدأت تلاحظ إن الولد او البنت بدأوا يبعدوا عنها نفسيا بدأت تلاحظ تغيرات في أفكار الولد أو البنت ولما بدأت تقرب من الاولاد وتفهم إيه إللي بيحصل إيه التغيرات دي عرفت إن أصل بابا قال كذا بابا بيقول كذا بابا قال عليكي كذا فهنا النرجسي بيبدأ يزرع مفاهيمه الغلط وأفكاره المشوهة في الولاد المسافة ما بين البيت وبين التمرين رايح جاي وقت كافي يخلي الولد يستقي منه حاجات كثير فإذا لقيتي النرجسي من هذا النوع من النرجسيين إللي ممكن يخرب لك عقل اولادك أو يقلبهم عليكي فوقفي تماما موضوع إنه يروح يودي ويجيب تمارين ولا غيره ، الموضوع صعب إنت مش هتقدري تعملي كل حاجة لوحدك لكن النتيجة في الآخر هتكون مؤذية جدا ، إنت ممكن تخليه يجيب طلبات البيت يعمل أي حاجة غير انه يوصل الأولاد التمارين او أي حتة الا اذا الأولاد كبار بكفاية وفاهمين ، إنت ممكن أصلا تتصرفي في موضوع التوصيل الأولاد دي إنك تتفقي مع أم من الأمهات كل واحدة فيكم تودي الولاد يوم أو وحدة تودي الثانية تجيب المهم إن إنت تستعيني بحد غيره إنك تحلي مشكلة التوصيل بتاعة الولاد لو إنت مش عايزة تجيبي سواق لو إنت مش مأمنة للشغالة تروح مع السواق لو كل ده إنتي معندكيش حلول فيه بقى إذن تتفقي مع أم التانية توديه لو تلات أمهات وكل واحدة تروح يوم حيبقى عندك يومين فاضيين المهم إن إنت متسبيش الولاد في إيده عشان تخففي من على نفسك عبء جسدي وبعدين نتيجته التخفيف ده عبء نفسي مهول مش ممكن .... الباقي في اول تعليق
0:000:30 المقدمة
0:306:14 النرجسي مش مسيطر
6:1412:49 نقطة مهمة جداً
12:4913:10 الخاتمة
#صحةـنفسية #القوة #الاكتئاب #النرجسي #النرجسية