柯震東為角色努力增肥 自揭突然學廣東話原因

柯震東呢日現身台北出席代言活動距離金鐘獎舉行仲有大半個月時間首次入圍角逐迷你劇集最佳男配角嘅佢就話有得入圍就已經好開心佢又話金鐘獎對佢嚟講係一個好陌生嘅領域所以都好期待到時嘅流程會係點。

完成金鐘後柯震東就要投入新劇由於要為角色增肥佢笑言擔心自己呢個年紀肥咗就好難瘦得返。至於講到今年主力都係喺電視劇上幾時先會回歸電影柯震東就話係冇電影搵佢拍自己都希望拍電影因為呢個領域佢比較熟悉。

最近柯震東喺社交平台召集大家教佢講廣東話問到係咪為去香港拍戲做準備佢話只係做定準備自己當然希望有機會去香港拍戲同時亦係為同朋友好好交流柯震東又透露自己除咗學廣東話外仲有學緊英文同韓文希望有一日可以用到。

網上經常會出現有人冒充藝人嚟進行詐騙柯震東亦係受害者之一早前佢就此發出聲明仲話自己都係第一次遇到咁有組織嘅集團式詐騙。

#柯震東 #金鐘獎 #迷你劇集 #最佳男配角 #增肥 #電影 #廣東話 #領域 #聲明 #詐騙 #原因 #韓文 #英文 #冒充藝人
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0