લાખો રૂપિયા ખર્ચીને વિદેશ જઈ મહેનતમજૂરી કરતા ગુજરાતીઓની એકમાત્ર ઈચ્છા ગમે તેમ કરી બે પાંદડે થવાની હોય છે, પરંતુ પોતાનો આ લક્ષ્યાંક પાર પાડવામાં ગણતરીના લોકો જ સફળ થાય છે જ્યારે મોટાભાગના લોકો માટે વિદેશ જવાનો નિર્ણય જિંદગીની સૌથી મોટી ભૂલ સાબિત થતો હોય છે. તેમાંય છેલ્લા બેત્રણ વર્ષથી 3040 લાખ રૂપિયા ખર્ચીને સ્ટૂડન્ટ કે પછી બીજા કોઈ વિઝા પર યુકે જતાં ગુજરાતીઓની હાલત ‘ના ઘરના ના ઘાટના’ જેવી થઈ રહી છે. UKમાં નોકરી શોધવા માટે લોકો આગળ હાથ જોડીને ભાઈબાપા કરતા આવા ગુજરાતીઓ ઘરે પાછા જઈને લોકોને શું મોઢું બતાવીશું તેવી શરમે ઈન્ડિયા રિટર્ન થવાની પણ હિંમત નથી કરતા. જોકે, આટલું ઓછું હોય તેમ કેટલાક ગુજરાતીઓ જ કલ્પના ના કરી શકાય તેવા કાંડ કરી પોતાના લોકોની મજબૂરીનો ફાયદો ઉઠાવી પોતાના ખિસ્સા ભરી રહ્યા છે. સૂત્રોનું માનીએ તો યુકેમાં હાલ એવાએવા સ્કેન્ડલ ચાલે છે કે જેમાં ફસાઈને ઘણા ગુજરાતીઓની જિંદગી પણ બરબાદ થઈ રહી છે અને કેટલાયને હવે ઝેર ખાઈને મરવાના દિવસો પણ આવ્યા છે. આવા જ એક સ્કેન્ડલમાં ફસાયેલા ચરોતરના કપલને હાલ રાતોરાત અંડરગ્રાઉન્ડ થવાનો વારો આવ્યો છે, આ કપલનો વાંક માત્ર એટલો હતો કે તેમણે પોતાના જ ગામના એક યુવકને મદદ કરી હતી. કપરા સમયમાં પોતાના ગામના યુવકને આશરો આપનારા આ કપલ સાથે આખરે શું થયું હતું અને કેમ તેમને રાતોરાત ગાયબ થવું પડ્યું તે આખોય કિસ્સો ખરેખર ચોંકાવનારો છે અને યુકેમાં રહેતા ગુજરાતીઓએ પણ તેમાંથી બોધપાઠ લેવા જેવો છે.

જુઓ અમારી વેબસાઈટ: https://www.iamgujarat.com/
વધુ વિડીયો જોવા માટે ક્લિક કરો: https://gujarati.timesxp.com/
IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...