ព្រះភិក្ខុធម្មវនវាសី ចន្ទមុនី គឺជាព្រះគ្រូចៅអធិការវត្តចន្ទប្បជោត្តនារាម ហៅវត្តតាសុត ដែលស្ថិតនៅក្នុងភូមិប៉ាតឡាង ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង។
ភិក្ខុធម្មវនវាសី ចន្ទមុនី គឺជាព្រះសង្ឃខ្មែរមួយរូប ដែលបានបួសសិក្សារៀនសូត្រទាំងផ្នែកពុទ្ធចក្រ និងអាណាចក្រ ក្នុងប្រទេស និងក្រៅប្រទេស ចេះចាំទាំងផ្នែកព្រះបរិយត្តិសទ្ធម្ម និងព្រះបដិបត្តិសទ្ធម្ម លោកបានបំពេញនូវកិច្ចទាំង២ក្នុងព្រះពុទ្ធសាសនាគឺ គន្ធធុរៈ និងវិបស្សនាធុរៈ ថែមទាំងមានបទពិសោធន៍រស់នៅក្នុងព្រៃអស់រយៈពេលជាច្រើនឆ្នាំ ម្យាំងទៀតលោកក៏ធ្លាប់បានជួបរឿងរ៉ាវអាថ៌កំបាំងជាច្រើន ដែលមនុស្សទូរទៅមិនសូវបានដឹង និងឃើញ ។ ឱវាទពាក្យទូន្មានប្រៀនប្រដៅ ធម៌អប់រំចិត្តរបស់លោកប្រកបដោយមេត្តា ដែលជាហេតុធ្វើឱ្យមានសាមគ្គីភាព និងចេះស្រលាញ់ជាតិមាតុភូមិ ព្រោះហេតុនេះហើយ ទើបធ្វើឱ្យប្រជាពុទ្ធបរិស័ទជាច្រើនគោរពស្រលាញ់ព្រះអង្គ និងធ្វើឱ្យមានភាពល្បីល្បាញដល់សព្វថ្ងៃ។
ឆ្លើយតបរឿងដែលកើតឡើងទាំងអស់ ព្រះធម្មវនវាសី ចន្ទមុនី