رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
هل انتي كنتي كبش الفدا لامك النرجسية او ابوكي النرجسي؟
هل إنت كنت الطفل كبش الفدا لأمك النرجسية أو أبوك النرجسي أو هما الإتنين لو إنتي كنتي كبش فدا يبقى الحلقة دي عشانك ولو إنتي مش عارفة إنتي كنتي كبش الفدا ولا لأ برضه الحلقة دي عشانك إسمعيني للآخر حتعرفي اذا دة انتي ولا لا وعشان تعرفي تخرجي من دور كبش الفدا مع زوجك النرجسي
كبش الفدا الطفل المختلف في العيلة غالبا عنده ميزة مش عندهم أو مختلف عنهم في حاجة معينة المهم إن الطفل ده هو إللي بيتلام على أي حاجة وكل حاجة أي حاجة غلط بتحصل بيبقى هو السبب فيها وإللي رايح وإللي جاي بيلطش فيه وخصوصا النرجسي سواء أب أو أم حتى أخواته من كتر ما هو بيتلام على كل حاجة فهما كمان يستضعفوه ويلطشوا فيه ، الطفل دا مر بطفولة صعبة وتعيسة جدا وبالتالي بيطلع إنسان غير سوي غالبا بيكون أسرة غير سوية وغالبا بيتجوز نرجسية أو بتتجوز نرجسي
الشخص ده بيكون عنده مشاكل نفسية كتير أوي ولإن هو مش فاهم ومش عارف اللي حصل فيهولا عارف ان عنده مشاكل نفسية فبيأذي نفسه بالمشاكل دي من غير ما يحس
المشكلة الأساسية في الشخص ده إنه بيكون كبر في وضع بيخليه مقتنع إنه وحش وإن العيب فيه لأن طول الوقت هو مرفوض طول الوقت بيتلام على كل الأخطاء وطول الوقت هو بيتقاله إنه مش كفاية فطبيعي جدا إنه لما يكبر هيبقى عارف ومقتنع إن هو مش كفايه ، عشان تخرجي من الحالة دي وعشان تخرجي من وضع كبش الفدا إللي إنتي سبتيه في بيت أهلك ولبستيهه تاني في بيت جوزك فإنتي لازم تغيري كل المعتقدات المغلوطة عن نفسك لازم تفهمي العيلة إللي إنت كنتي عايشة فيها شكلها إيه لازم تعرفي إن البيت أصلا بتاع أبوكي ده ما كانش بيت دافي ولا ناسه كانوا أسوياء وأن أبوكي أو أمك أو هم الإتنين كانوا نرجسيين أيا كان المهم إن إنتي لازم تفهمي إنه الناس دي ما كانوش أسوياء وإن هما إللي فرضوا عليكي الدور ده أو الشخصية دي ، ولازم تفهمي إن المشكلة من البداية مش فيكي إنتي والمشكلة من البداية في النرجسي إللي بيفرض على كل واحد في العيلة دور معين بيعيشه فيه طول عمره طالما لسه موجود في بيت النرجسي
طيب تعالي بقى نشوف كده كبش الفدا ده حقيقته شكلها إيه أصلا وإللي خلى النرجسي يختاره إنه يبقى كبش فدا ، ليه هو بالذات النرجسي اختاره أو النرجسية اختارته إنه يكون كبش الفدا وإنه يتلام وإنه يتهان وإن هي تلطش فيه ليه إشمعنى ده
غالبا كده كبش الفداء ده بيكون عنده نقاط قوة هو كطفل مش بيشوفها ولا بيتعرف عليها لكن إللي بيعرفها وبيتعرف عليها النرجسي الأب أو الأم نقاط القوة دي بتستفز النرجسي وبتخليه يهاجم الطفل ده بلا هوادة
طيب إيه هي نقاط القوة إللي بتكون في الطفل كبش الفدا بتخليه يبقى عدو للنرجس الطفل ده بيكون صريح جدا وصادق وبيكون ذكي جدا وبيقول دايما الحقيقة ودايما بيواجه بدون ما يشعر إن هو بيواجه دايما تلاقيه يقف في صف الحق ودايما شايف صح ولما بيكون حد غلطان بيقول له إنت إللي غلط ما بيجاملش ولا بيخاف ودايما يسموه متمرد لأن هو مبيعجبوش الغلط وبيرفضه وبيتكلم مش بيسكت كمان هو بيكون في الغالب شخصية متعاطفة فبيكون عنده قدرة على رؤية الحقائق وكشفها بشكل مختلف عن بقية الناس الشخصية المتعاطفة عندها حدس قوي عندها شفافية عندها قدرة على إنها تشوف حاجات الناس التانية مبتبقاش شايفاها عندها مواهب كتير مش موجودة عند بقية الناس فبالتالي كل ده بيستفز النرجسي سواء كان أم أو أب وخصوصا كمان إنها بتكون عندها عزيمة ومقاومة وقوة إرادة نتيجة إللي شافته مع النرجسي في حياتها نتيجة التربية القاسية ونتيجة الضغط عليها ونتيجة إن هما كانو بيشيلوها مسؤولية إخواتها ونتيجة إن هما كانوا بيحملوها فوق طاقتها وخصوصا لو الأم نرجسية وبتستخدم أولادها في خدمتها فكل الكلام ده والضغط ده على الطفل وعلى المراهق بيخليه عنده قوة وصلابة وإرادة وعزيمة إن هو لازم يبقى على قيد الحياة من وهو صغير بيصارع ، بيصارع للبقاء على قيد الحياة في وسط العالم الشرير ده فبيتكون عنده فعلا قوة وعزيمة وإرادة ودي مش بتبقى موجودة عند ناس كتير وعزيمته وقوته دي بتستفز النرجسي أكتر وبتخليه يعاديه أكثر فبيكون الحل الوحيد بالنسبة للنرجسي في الحالة دي إنه ي حجمه ويسكته وده بيكون عن طريق العنف أو الضغط أو الإهانة أو التقليل أو التحقير وإنه كمان يوقع بينه وبين إخواته ويعمل له لتشويه سمعة بحيث إنه الطفل ده ما يعرفشي يبقى صوته مسموع ولا يقدر يعبر عن نفسه ولا عن مشاعره ولا يتكلم مع حد ولو اتكلم مع حد محدش هيصدقه فبيكون النرجسي محطمه تحطيم ده غير إن هو بيعزله عن العالم كله مالوش أصحاب مالوش حد حتى قرايبه واخدين منه موقف لإنه قليل أدب وبيتطاول على أبوه طفل عاق وكل الكلام ده
تخيلي بقى إن نفس نقاط القوة إللي خلت النرجسي الأب أو الأم يحجموكي ويسكتوك ويقنعوك إن إنتي مش كفاية ويقنعوك إن إنتي العيب فيكي وإن إنتي شخص سيء ومتمرد ومتعب وطفل عاق أو ابن عاق كل الصفات إللي جواكي إللي هما اتسببوا في إنهم يقنعوكي بإن إنتي العيب فيكي هي هي نفس الصفات ونقاط القوة إللي حتساعدك إنك تتعافي وتقفي على رجلك تاني لما بتفهمي إن العيب مش فيكي وإن إنتي شخص سوي بالرغم من إنك وقعتي تاني مع نرجسي زي أبوك أو زي أمك مفيش فرق بينهم الإتنين نفس الشر نفس
إذا كنتي اتربيتي في أسرة نرجسية وكان دورك في الأسرة الطفل كبش الفدا فتأكدي إنه إنت عندك مميزات كتيرة من وإنتي طفلة مميزات خطيرة وعظيمة إللي تخلي أب أو أم نرجسيين يخافو منك .. الباقي في اول تعليق
0:000:30 المقدمة
0:303:08 حال كبش الفداء
3:088:05 أزاي النرجسي بيختاره
8:059:40 أزاي ترجعي مميزاتك
9:4010:05 الخاتمة
#صحةـنفسية #القوة #الاكتئاب #النرجسي #النرجسية