رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
إزاي النرجسي بيتفاعل مع شريكه في العلاقة العاطفية
على حسب النرجسي فيه نوعين من التفاعل في العلاقة مع شريكه (معاكي)
الإعجاب النرجسي والتنافس النرجسي
يعني ايه الاعجاب النرجسي ؟ هو احتياج النرجسي الشديد جدا للحصول على للاعجاب والتقدير من الاخرين واللي بيظهر مستوى عالي من الاعجاب النرجسي بيكون النرجسي الخفي واللي دايما بيدور على الثناء والاعتراف بقدراته وانجازاته
في حالة الإعجاب النرجسي بيكون النرجسي يعشق التقدير والمدح والأنا عنده عالية وعايز حد ينفخ فيه طول الوقت فيجي مع شريكته قدام الناس يعاملها كويس جدا ويظهر بمظهر الزوج المثالي إللي بيساعدها ويدلعها عشان عايز الكل ينبهر به ويمدحه ويغذي النرجسية إللي عنده ، وطبعا اكتر حد ممكن يديه المدح والثناء دة هو انتي اللي مفروض انه بيعتمد عليكي في الشعور بقيمته ،فطول ما انتي بتنفخي فيه وبتهتمي بيه وماعندكيش غيره طول ماهو كويس معاكي وتمام باستثناء انتقادات قليلة وبسيطة بتظهر في أوقات التنافس النرجسي اللي بيكون نادر ظهوره أصلا في بداية العلاقة وقبل الخلفة ، وفي الفترة دي هو طول مابياخد منك الاهتمام الكافي له فهو بيتصرف تصرفات إيجابية ومعتدلة عشان يحافظ على مستوى الاهتمام والمدح منك ، وهنا بقى تكمن المشكلة ان هو مش حيستوعب انشغالك عنه باي حاجة في العالم حتى لو كان ابنه الرضيع اللي لسة مولود وتعبك في الولادة فتلاقيه في لحظة واحدة بعد اول ولادة وقدوم اول منافس تبدأ تظهر عليه علامات التنافس النرجسي
ايه بقى التنافس النرجسي دة ؟ التنافس النرجسي بقى دة الجانب الأكثر سوادا من النرجسية ، يعني الاعجاب النرجسي عايزك تمدحيه عشان يمشي معاكي عدل وشبه طبيعي ،انما التنافس دة بقى هو سواد النرجسية الحقيقي اللي هو انا حدافع عن صورتي الذاتية عن طريق اني اقلل من الاخرين وعن طريق السلوك العدواني والانتقادي لان النرجسي في الوضع دة بيشوف ان الاخر ماهو الا مصدر تهديد او كمنافس وخصوصا انتي كشريك حياة من المفترض انك تكوني له تابع خاضع ودة بيتطلب انك تكوني اقل منه فاذا كان نصيبك انك احسن منه فانتي تهديد وبالتالي بيلجأ للصراعات من اول يوم معاكي
وفي الحالة دي بيكون النرجسي عدواني عنده إحساس بالغيرة والنقص دايما فا بيتصرف بعدوانية وعنف وقلة ذوق وبيقلل من شريكته على قد ما يقدر عشان يظهر هو على حسابها
فيخليها تفقد الثقة في نفسها وتصدق إن ملهاش لازمة عشان يحس هو بالارتياح و يقدر يقنعها إن هو الأذكى وهو الأهم وإن هي من غيره ولا حاجة
ودة غالبا النوع اللي مش منتشر او الأقل عددا في النرجسيين انما النوع اللي بيظهر اعجاب نرجسي او الخفي فهو المنتشر اكتر بين النرجسيين
الأبحاث بتقول إن معظم الأوقات النرجسي الخفي بيبدل بين الطريقتين دول على حسب إحساسه بالتهديد أو الثقة ، الاستقرار أو التحدي وعلى حسب معاملة شريكته له يعني لو انتي بتعامليه كويس (من وجهة نظره المريضة) فلو بتعامليه كويس بالطريقة اللي هو عايزها مواراكيش غيره وبتنفخي فيه طول الوقت وماتقوليش لا في أي حاجة لان هو ماينفعش يتقال له لا ولا تعترضي عليه لان اعتراضك معناه انه بيقول حاجة غلط ولا معناها انك مش بتحترميه كفاية يعني من الاخر كدة تتحطي في القالب اللي هو عايزه وكل شوية تنفخي فيه هنا ممكن يبدأ يتعدل ويتصرف كويس انما بقى تتغيري وتحاولي تخرجي من القالب حيقلب فورا على التنافس النرجسي وتشوفي بقى العدوانية على أصولها
طيب ايه بقى اللي احنا مستفيدينه من المعلومات الكتيرة دي ؟
شوفي يا ستي لما إنت تدركي أنا نرجسي قد إيه مهم عنده التقدير والإعجاب والكلام إللي إحنا فاهمينه ده وإن هو ممكن يلجأ للعدوانية برضه بسبب احتياجه للتقدير والاهتمام والإعجاب فإنت هنا أولا هتبتدي تتعاملي معاه ومع سلوكياته دي بشيء من التأني والهدوء بدل ما ترد باندفاع وغضب وتبتدي تنفعلي معاه وتديله إللي هو عايزه في حين إنتي مش عايزة تعملي ده فمجرد إن تتفهمي طبيعة النهار جسي ده بيساعدك على الأقل إنك تتعاملي بدون اندفاع ولا غضب
كمان بتفهمي إن إنتي ممكن تستخدمي الوقود الإيجابي والوقود السلبي على هيئة فتات خبز في التعامل مع النرجسي وتتعلمي تستخدمي التعزيز الإيجابي لما يكون النرجسي اللي معاكي خفي يعني معتمد بشكل كبير على الإعجاب النرجسي إللي قلنا عليه فإنتي ممكن تقدمي الثناء والتعليقات الإيجابية في الأوقات المناسبة وده ممكن يساعد على تهدئة الأمور والدنيا في تبقى هادية في البيت وتحافظي على استقرار العلاقة مش عشان ترضي النرجسي بلا حدود لكن تعززي الجوانب الإيجابية في شخصيته (ذا لقيتي يعني) عشان تقللي الصراعات وعشان تحاربي إنه يدخل في حتة التنافس النرجسي كمان من الحاجات المهمة إللي إحنا بنتعلمها النهاردة إن إنتي لما يدخل النرجسي للتنافس النرجسي ويبدأ يتصرف بشكل عدواني أو اندفاعي إنتي تتجنبي الدخول في الصراعات معاه زي ما قلنا قبل كده بدل ما تدخلي معاه في الصراعات إنتي ممكن تتعاملي بهدوء أو تنسحبي من الموقف عشان الدنيا متتصعدش أكتر
والأهم من كل ده إنك تشتغلي على نفسك وتعززي ثقتك بنفسك لإن أصلا حياتك مع النرجسي عبارة عن نقد مستمر أو تحقير وده بيبقى محتاج منك دعم لنفسك وتعزيز ثقتك في نفسك و ومحتاجة شبكات دعم اجتماعي أصدقاء معالج نفسي صديقات إخوانك عيلتك لازم تدخلي نفسك في عالم إيه إجتماعي تاني بعيد عنه عشان اعتمادك علىه يقل ، وزي ما شفنا في الدراسات قبل كده إنه ممكن النرجسي يحصل له تعديل سلوك ، اه صعب جدا وبطيء .... الباقي في اول تعليق
0:000:26 المقدمة
0:262:32 الإعجاب النرجسي
2:325:03 التنافس النرجسي
5:039:20 هتستفيدي ايه من المعلومات دي
9:209:38 الخاتمة
#صحةـنفسية #القوة #الاكتئاب #النرجسي #النرجسية