رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
الشخصية الحساسة إتش أس بي الشخصية دي من الشخصيات المفضلة جدا للنرجسي لأسباب كتير هي شريك مثالي للتلاعب والسيطرة هنقول ليه الأول هنقول تسع علامات للشخصية الحساسة وبعدين منها حنفهم هو ليه نرجس بيفضلها
١أول حاجة الشخصية الحساسة بتكون في أحسن حالاتها لما بتبقى لوحدها وفي المكان إللي بتحس فيه بالراحة والأمان لإنها شخصية بتتأثر جدا باللي حواليها وسهل استثارتها فمش بتقدر تتواجد كتير برة ، بيتها منطقة الراحة بتاعتها بعيد عن كل الحاجات إللي بتوترها مش معنى كده إنها بتنعزل تماما عن العالم هي بتحب تخرج وتقابل ناس عادي ولكن بتحتاج تفصل كل فترة أو بعد كل مناسبة عشان ترتاح وتشحن هنا في تشابه كبير بينها وبين الشخصية المتعاطفة ، الشخصية المتعاطفة كمان بعد كل مناسبة بتحتاج ترتاح وتحب تشحن طاقتها لإنها بتستنزف في المناسبات ومع الناس وإنها بتحس بمشاعر إللي حواليها نفس الكلام الشخصية الحساسة الشخصية الحساسة الشخصية الاعتمادية حساسيتهم وحبهم للانعزال في بعض الأوقات وحبهم للبيت ومنطقة الراحة ده بيخليهم مفضلين عند النرجسي لأنه مش بيعمل معاهم مجهود كبير عشان يعزلهم عن العيلة وعن الأهل وعن الناس كلها لإن هي أصلا عندها استعداد لكده
٢تاني حاجة الشخصية الحساسة بتتجنب الأخبار المأساوية والحزينة أو المخيفة إللي موجودة على السوشيال ميديا حتى لو كان مشهد فيلم مش بيعرفوا يفصلو ا إللي مش حقيقي عن الواقع بيتأثروا جدا باللي بيحصل لاي حد سواء كان حقيقة أو تمثيل بيتأثروا بيه مش بيقدروا فعلا يتابعو الأخبار دي وطبعا دي بتكون نقطة ضعف واضحة جدا بالنسبة للنرجسي بيقدر بيلعب عليها كويس قوي وحنشوف إزاي بعد ما نخلص العلامات ليه هي مفضلة عند النرجسي
٣ثالث حاجة الشخصية الحساسة بتعاني من فرط التفكير بتاخد وقت طويل جدا عشان تاخد قرار أو تنظم يومها بتفكر كتير في كل حاجة وبعمق أكتر من غيرهم بيفكروا في كل التفاصيل بيهتمو جدا بمشاعر إللي حواليهم دايما يتسألوا يا ترى أنا قلت حاجة تضايق يا ترى فلان كان مبسوط النهاردة يا ترى ضيوفنا انبسطو عندنا يا ترى طول الوقت بيفكروا كل إللي حوليه زي الشخصية الاعتمادية عشان كده دايما كان بيقولوا إن في تشابه كبير بين الشخصية المتعاطفة والشخصية الحساسة
٤السمه الرابعه الشخصية الحساسة بتتضايق جدا وتتوتر لو حد طلب منها تعمل أكتر من حاجة في نفس الوقت عشان بيقلقوا مايعرفوش يعملو كل حاجة بالشكل المطلوب وإنهم حيحسسوا إللي حواليهم بالإحباط
٥ الشخصية الحساسة عندها خوف شديد من الرفض لو حد مش بيحبها أو مش عاجباه بتحس بالفشل وده بيشغلها ويوترها
٦ طبعا كلنا عارفين إن الشخصية الحساسة بكاءة يعني بتبكي كتير وبسهولة لكن بتحاول تقلل ده ادام الناس بتحاول تتحكم فيه عشان هي متعودة إنها بتسمع تعليقات سخيفة على إن هي بكاءة وطبعا ده بيحسسها بالإحراج
٧ دايما الشخصيات الحساسة حاسين إنهم مش مفهومين محدش فاهم هما حاسين بإيه وبما إنهم أصلا نسبة قليلة من 15 ل20% في العالم ففعلا معظم الناس مش بتبقى فاهمة هما بيحسو بإيه أو المفروض يتعاملوا معاهم إزاي
٨تلاقيهم حاسين إنهم كائنات غريبة ملهمش مكان وسط الناس لكن الحياة بتكون أسهل لما يفهمو نفسهم يعرفو إزاي يتعاملوا مع مشاعرهم ويفهمو إنهم معندهمش مشكلة ولا هما فيهم حاجة غلط هيقدرو يتعاملوا مع نفسهم ويحطو حدودهم مع الناس
٩ الناس دي عندها كمان حساسية للصوت العالي والضوء العالي ، عندهم قوة ملاحظة عالية جدا للتفاصيل اللي باقي الناس صعب تلاحظها ، عشان كدة بتلاحظ بسرعة تغير مشاعر الاخرين ودة بيخليها بتحاول تساعد وتسعد وبالتالي هي مثالية للشخص النرجسي
ليه بقى هي مفضلة للنرجسي ؟
١ أول حاجة طبعا سهولة التلاعب بيها زي ما قلنا هي شخصية مثالية للتلاعب إن هي بتتفاعل بقوة مع المشاعر والعواطف فلما النرجسي ييجي يعمل رد فعل قوي على حاجه بسيطة هي عملتها زي مثلا نسيت معاد نسيت أي حاجة نسيت تحط مية على الأكل فهو يبين إن هو أحبط وزعل فالنتيجة إن هي بتحس بالذنب على أتفه حاجة ، ولما بتحس بالذنب بتحاول تعوض البني آدم إللي معاها بشكل مبالغ فيه وهو ده المطلوب للنرجسي
٢تاني حاجة الشخصية الحساسة دايما عندها احتياج للقبول والتقدير من الآخرين فهي طول الوقت بتحاول ترضي النرجسي و النرجسي عنده جملة شهيرة بيستخدمها مع الشخصية الحساسة بكفاءة عالية الجملة إللي هي إنت الوحيدة إللي بتقدري تفهميني صح إنت الوحيدة إللي فهماني في الدنيا دي ولكن الجملة دي بتختفي تماما بعد ما يخلص اللافبمبينج في الوقت ده هي بتبدأ تسعى عشان ترجع تسمع الجملة دي تاني بتعمل مجهود فائق مع النرجسي لإرضاء وهو ده إللي هو عايزة
٣ثالث حاجة الشخصيات الحساسة ماتحبش المواجهات والصراعات فبالتالي لما النرجسي يعمل حاجة غلط هي مش هتكون من النوع إللي بيتصدى للأخطاء او السلوكيات المؤذية ، الشخصية الحساسة بتختار إنها تسكت وتحاول تهدي الدنيا بدل ما تواجه لأنها مش عايزة تكون سبب في الصراعات
0:000:33 المقدمة
0:3310:07 صفات الشخصية الحساسة و اختلافها عن الشخصية المتعاطفة
10:0710:45 الخاتمة
#صحةـنفسية #القوة #الاكتئاب #النرجسي #النرجسية