رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
فضل النرجسي
النرجسي له فضل كبير قوي عليكي حتكتشفيه لما تخرجي برا الدائرة بتاعته وتبقي شايفاه من بره
إزاي الكلام ده
إنتي عشتي حياة قبل النرجسي كانت بتؤهلك إنك تبقي ضحية نرجسي أو ضحية لأي شخصية سامة لإنك غالبا خارجة من عيلة إما نرجسية أو في مشاكل في البيئة اللي اتربيتي فيها زي اب مدمن او ام مريضة او العكس طبعا ، او ام واب مشغولين طول الوقت عشان يجمعوا فلوس او مشغولين بمشاكلهم المهم البيئة دي بتخليكي غالبا تشيلي مسئولية مش بتاعتك وبتحاولي ترضي أي حد عشان تحسي بالقبول وعندك استعداد إنك تدي بدون حساب وبدون مقابل عشان تحصلي على الرضا والقبول والحب فإنتي في الوضع ده عرضة للاستغلال من أي حد مستغل ومن أي شخصية سامة خرجتي من البيئة دي دخلتي منها على بيت النرجسي فتقريبا عشتي عمرك كله ضحية ده وضع أغلب الحالات إلا ما ندر قد يكون الوضع مختلف في بعض الحالات القليلة جدا إللي بتكون خارجة من بيئة سوية وتغيرت مع النرجسي بسبباللافبمبينج المهول وما تبعه من خطوات هدمها بيها تماما وهو اختارها بسبب المركز بتاعها أو النجاح أو الازدهار إللي هي فيه لكن لما دخلت بيت النرجسي هو قدر يحولها من شخصية قوية استقلالية لشخصية اعتمادية عاطفيا المهم إن الأغلبية العظمى من البداية وهي ضحية تقريبا
عيشتي عمرك كله ضحية شخصيتك اتدمرت على مراحل من وإنتي طفلة لحد ما بقيتي مسؤولة عن أطفال ، عشتي طول حياتك مش عارفة حقيقتك ولا مدركة إمكانياتك غالبا الخوف وقلة الثقة بالنفس هي كانت السمة الرئيسية في شخصيتك حاسة دايما إنك ضعيفة وملكيش لازمة عمرك ما حتعرفي تعملي حاجة لنفسك لما تكتشفي إنك فيه علاقة مع نرجسي وتفهمي يعني إيه نرجسي دي حتبقى أول خطوة في طريق نجاتك طبعا بعد الصدمة والحزن والبكاء والنحيب والاكتئاب ، وبعد ما تخلصي التشافي وتبدأي تفوقي حتبدأي تكتشفي في نفسك حاجات عمرك ما شفتيها قبل كده هتبدأي تاخدي خطوات قوية عشان تطوري نفسك ، طاقة الغضب إللي جواكي هتتحول لطاقة إيجابية حتساعدك تكتشفي نفسك الحقيقية هتقرري تقفي على رجلك وتبني نفسك من الصفر في قصص كتير لزوجات ناجيات من العلاقة مع النرجسي قدرو يعملوا بزنس و يصرفوا على نفسهم وعلى اولادهم ويعيشو أحسن حياة عملوا كده بعد ما كانوا فعلا مش بيعرفوا يعملوا أي حاجة لوحدهم بدأوا من الصفر حرفيا وطالما هما قدرو يعملو ده فإنتي كمان تقدري تعمليه حتى لو حتفضلي مكملة مع النرجسي من ضمن الحالات إللي نجحت في حياتها بعد ما اكتشفت النرجسي حالة كان عمرها فوق الخمسين ودي بالنسبة لي اهم حالة ليه لان حالات كتير بتكون في التلاتينات وتقول لي انا كبرت وراحت فرصي كلها انا لسة حبدأ من جديد انا اللي في عمري بقوا مدراء وعملوا بزنيس وكبروه ونجحوا وانا اللي ضاع عمري ومستقبلي مع النرجسي ، عشان كدة بدأت بالحالة دي وهي مش الوحيدة بالعكس الأغلبية العظمى من الحالات اللي اشتغلت ونجحت وقدرت تحقق دخل ممتاز معظمهم فوق الخمسين الحالة دي كانت طول عمرها بتشتغل وطول عمرها بتدخل دخل كويس لنفسها لكن النرجسي كان غني جدا وكان معيش الأولاد في مستوى عالي جدا ولما اختفى من حياتها واكتشفت إن هو نرجسي وبدأ يضيق عليهم في الفلوس هي بدأت تكثف شغلها وسابت الشغل إللي كانت موظفة فيه وبدأت تشتغل لحساب نفسها وفي خلال تلات أو أربع سنين النهاردة هي قادرة تصرف على اولادها وقادرة تشيل المسؤولية كامله والنرجسي خرج من حياتها بنفسه هو لوحدة خرج هي ما ماخرجتوش ولا اتطلقت ولا عملت أي حاجة هو خد بعضه وخرج وعاش لوحده النهاردة لما هي خلاص استغنت عنه استغناء تام هو بيحاول يرجع لها وحالات كتير في العمر دة مكانوش بيشتغلوا نهائيا وبدأوا بزنس من البيت واولادهم ساعدوهم ودلوقتي بقى عندهم مشاريع معروفة وقوية جدا ، حالة تانيه كانت في الأربعينات من عمرها وكانت جميلة جدا وكانت محطوطة تحت ضغط النرجسي وأهله لا خروج ولا دخول ولا فلوس ولا أي حاجة أقصى حاجة كانت بتقدر تعملها إنها تروح تزور أهلها مرة كل شهر مثلا الحالة دي لما اكتشفت إن هو نرجسي فعلا طاقة الغضب إللي جواها هي إللي حركتها وبدأ هو كمان يخرج من البيت أو يبقى موجود ومش موجود وهي بدأت بزنس مع مجموعة من صاحباتها وقدرت تكبر البزنس وفي خلال ثلاث اربع سنين برضو البزنس كبر وبدأ يصرف عليها ومع الوقت حتوصل إن هي تصرف على ولادها و تعيشهم في نفس المستوى إللي أبوهم كان معيشهم فيه ده إذا هو بطل أصلا يصرف عليهم
الحالات دي كلها معايا ولغاية الآن بيتواصلوا معايا
الحاله التالته في التلاتينات من عمرها لما اكتشفت إن جوزها نرجسي وقررت إنها هتستمر معاه مش هتسيبه وهتعيش وهتعمل من نفسها حاجة تانية واشتغلت على نفسها بدأت هي كمان بزنس لوحدها بدأت تشتغل في الماركتينج أونلاين من البيت لأن ما كانش عندها الحرية إنها تخرج وتشتغل وفعلا بدأت تكبر وبقت مشهورة في السوشيال ميديا ولها متابعين بدأت تعلم الناس الماركتينج بعد ما هي أصلا كانت متعرفش أي حاجة عنه بدأت تعمل كورسات وتدي استشارات في التسويق وتمسك التسويق بتاع شركات كتير من الناس إللي شغالة أونلاين ونجحت وقدرت تصرف على نفسها وعلى طفلها وبرضه عايشة ومستمرة مع النرجسي ولكن الوضع مختلف الوضع دلوقتي إن هي عايشة معاه من غير ما يعرف يتحكم فيها لأن أكبر حاجة بتخلي النرجسي يتحكم في ضحيته الفلوس وهو لما بيلاقيها استغنت ونجحت بيبدأ يعدل سلوكه وبيتغير معاها في النهاية الفكرة أو الغرض من الحلقة........ الباقي في اول تعليق
0:000:23 المقدمة
0:234:32 شخصية زوجة النرجسي
4:3210:08 أمثلة لنجاح الحالات
10:0812:50 هتستفادي ايه من التغيير
12:5013:10 الخاتمة
#صحةـنفسية #القوة #الاكتئاب #النرجسي #النرجسية