رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
إزاي نرجسي بيدمر نفسه بنفسه؟
عايزة ادمر النرجسي زي مادمرني هو بيعيش حياته وعادي جدا بيخطب ويتجوز ويعيش حياة جديدة ولا كأني كنت موجودة في حياته ولا عنده أطفال وانا اللي بشيل المسئولية واتسحل باولاده وهو يعيش سعيد ومبسوط دة مش عدل ليه ربنا بيديه كل الحلو وسايبه يعمل فينا كدة ؟؟؟
لما حالة بتقول لي كدة بقول لها انتي مش فاهمة النرجسية ولا عارفة حاجة عنها ، لو فهمتي حترتاحي وحتعرفي ان ربنا سبحانه وتعالى مش سايبه ابدا وان هو مش مرتاح ولا سعيد زي ما انتي متخيلة هو أصلا بيدمر نفسه بنفسه وربنا مسلط عليه نفسه الامارة بالسوء ولو قلنا جملة فلان دة عدو نفسه فهي تنطبق مليون بالمية ع النرجسي هو عدو نفسه وبيدمر نفسه زي مابيدمر ضحيته واكتر ، انتي أصلا تقدري تتعافي وترجعي لحياتك وتسعدي مع اولادك او تتجوزي زوج سوي لكن هو مش بيقدر ابدا يتعافى ولا يعيش حياة طبيعية ولا يسعد ولاي عرف المتعة ولا السعادة ابدا ولو انتي مش مقتنعة حقول لك اثبات كلامي بالعلم والدراسات العلمية اللي اتعملت عن تدمير النرجسي لنفسه بنفسه
١ أولا : بما إن النرجسي أهم حاجة في حياته الاعجاب التقدير وإن إللي حواليهم ينبهروا بيه وبالتالي على طول متوتر وقلقان من نظرة الناس له فهو مرعوب الناس تقول عليه حاجة وحشة أو ينتقدوه ، ولو ماخدش التقدير إللي مستنيه بينهار ممكن يكتئب ، العيشة بالطريقة دي على المدى الطويل بتدمره نفسيا وعصبيا ودي دراسة اتعملت سنة ١٩٨٩ بتتكلم عن آثار النرجسية على الصحة النفسية والدراسة أظهرت ان النرجسيون يعانون من مستويات عالية من الاجهاد النفسي نتيجة للحاجة المستمرة للحفاظ على على صورة مثالية امام الاخرين
٢ تاني حاجة بسبب سلوكه السيئ وغطرسته وتعاليه على الناس محدش بيقدر يفضل قريب منه فترة طويلة إللي بيعرفه على حقيقته بيبعد عنه بسرعة بسبب سوء معاملته وأنانيته واستغلاله للي حواليه ولإنه على طول بياخد بس ومش بيدي ومعندوش اي إحساس بالاخر فالنتيجة ان مفيش حد قريب منه كل إللي حواليه علاقات سطحية من بعيد أو حد بيستفيد منه أو بيستغله زي ما هو بيستغل الناس وبالتالي مع مرور الوقت بيبقى شخص وحيد مفيش حد حواليه وكتير منهم بينتهي بيهم الحال في بيت لوحده ولا حد معاه ولا حد بيزوره وأولاده كارهينه
ودي دراسة اتعملت سنة ٢٠٠٢ وكانت عن تأثير السمات الشخصية المظلمة مثل النرجسية على العلاقات وكانت نتيجة الدراسة ان النرجسيين بيدمروا علاقاتهم الشخصية والمهنية بسبب انانيتهم وانعدام التعاطف بالرغم من انهم قد يجذبون الاخرين في البداية بسحرهم وثقتهم الزائدة الا انهم سرعان مايفقدون هذه العلاقات
يعني لما يتجوز عليكي او يتجوز بعدك ماتوهميش نفسك انه حيكون سعيد وحيسعد اللي معاه ابدا هو اللي حصل معاكي هو اللي حيحصل معاها مفيش أي حاجة حتتغير ، الا اذا كانت نرجسية زيه هي اللي حتعمل فيه اللي هو عمله فيكي
٣ اما بقى افة النرجسي المميتة انه مش بيقبل النقد فدي اتعمل فيها دراسات ملهاش حصر لانها ملحوظة جدا في النرجسيين ومشهورين بيها ،
هو مش بيقبل إن حد يقول له إنت غلطان وعلى طول يقلب التربيزه على إللي قدامه ويلوم إللي معاه على أي غلطة حتى لو هو السبب أو هو إللي غلطان وده بيزود نفور الناس منه مع الوقت
الدراسة نشرت سنة ١٩٩٨ في Personality and Social Psychology Review حول تأثير النرجسية على ردود الفعل تجاه النقد ، وكانت نتايج الدراسة بتقول ان النرجسيون يظهرون حساسية مفرطة تجاه النقد ممايدفعهم الى سلوكيات عدائة مما يؤدي الى صراعات مستمرة مع الاخرين وتدهور العلاقات ودة بيقود النرجسي الى الوحدة والاكتئاب طبعا
٣ تالت حاجة إنه دايما شايف نفسه أحسن واحد ما بياخدش قرار غلط عشان هو ذكي مفيش منه ، وهو أصلا بياخد قرارات متهورة عشان يثبت للناس دايما إن هو الصح وهو إللي بيفهم وده بيوقع في كوارث وبيخليه ياخد قرارات غلط بتخسره كتير جدا ممكن ياخد قرار في شغله يدمره ويخسره فلوس كتير بس عشان هو صاحب القرار وهو الذكي إللي هنا ومش بيقول حاجة غلط أبدا
٤ رابع حاجة بما إن شغله الشاغل إنه يدور على التقدير والمدح طول الوقت ده بيخليه يضطر يمثل لفترات طويلة ويدعي المثالية قدام الناس وده مجهود جبار عليه ضد طبيعته بيرهقه جدا وبيهدر طاقته حرفيا عشان كدة اول مابيدخل البيت بتشوفي الشرار في عينيه لانه مخنوق من الدور اللي بيمثله ادام الناس وكابت غضبه منهم ومن أي حدث ممكن يمر بيه برة ومايقدرش يرد عن نفسه طبعا عشان الناس تشوفه طيب وكيوت وطبعا لو دخل البيت بالشرار دة وانتي متعافية وعندك ثبات انفعالي وماعبرتيهوش وسيبتيه من غير ماتقولي له مالك وتمدحيه شوية او تتخانقي وتصوتي له فهو كدة بيتدمر نفسيا ويكتئب أكتر ما هو مكتئب
٥كمان أغلب النرجسيين حقودين يعني حد يضايقه يقعد يفكر في الإساءة ليل ونهار ويهري وينكت في نفسه ويقعد يفكر حردهاله إزاي ويفكر ويفكر مش بيعرف يتجاوز وده بيعيق نمو الشخصي وبيدمره طبعا مع الوقت لإن محدش يقدر يعيش بالحقد والغل ده طول الوقت ويفضل سليم
سادس حاجة وطبعا عشان النرجسي عظيم وإلأنا عنده عالية جدا مفيش حد زيه ولا حد أحسن منه فطبعا مستحيل يعترف إن عنده مشكلة ومستحيل يطلب مساعدة من حد فبالتالي عمره ما هيحل مشاكله وعنده ده بيخليه يزداد سوء مع الوقت
كل الدراسات دي وكل الأبحاث اللي اتعملت عن النرجسية من قديم الازل بتقول انه تعيس وعمره ماشاف سعادة وانتي لسة قاعدة تقولي عايزة اخد حقي منه وهو أصلا مقهور منك وحاسس انه عايز ياخد حقه منك ومغلول ..... الباقي في اول تعليق
0:000:29 المقدمة
0:297:46 النرجسي حياته تعيسة
7:469:37 الفرق بينك و بينه
9:379:54 الخاتمة
#صحةـنفسية #القوة #الاكتئاب #النرجسي #النرجسية