الجزء التاني من أجزاء الدماغ معانا النهارده هو ال diencephalon
وال diencephalon هو عباره عن مجموعه من التراكيب الموجودة داخل الدماغ ،
يعني تعريفه هو
Complex of structures within the brain.
واللي وظيفته بإختصار عامل زي مكتب السكرتاريه لقشره المخ ، اللي هي ال cerebral cortex واللي بتتحكم في الجسم كله من خلال ارسال واستقبال المعلومات العصبية ، والمعلومات العصبيه اللي بتتنقل ف المخ نوعين
معلومات حسيه
sensory information
داخله للمخ. زي الاحساس بلسعه أو شكه دبوس. ومعلومات حركيه
Motor information
خارجه منه ورايحه للجسم . زي الاستجابة للسعه فتبعد ايدك بسرعه

ال diencephalon دوره أنه يستقبل المعلومات الحسيه ويرسلها بعد كدا لقشره المخ .
يعني ملخص وظيفه ال diencephalon في كلمتين.
هيبقي
Diencephalon acts as a relay station for sensory information
.
المكونات الاساسيه للا diencephalon هما ال thalamus وال hypothalamus ,
المكون الاول لل diencephalon اللي هو ال thalamus عباره عن كتلتين علي شكل بيضاوي ، موقعهم في منتصف المخ تقريبا ، و محيطين بال third ventricle
من الاتجاهين ، حتي إن هما بيكونو معظم جدار ال third ventricle.
وال thalamus متصل بمعظم أجزاء المخ والنخاع الشوكي اللي هو spinal cord عند طريق عدد كبير من حزم الالياف العصبيه fiber tracts , ودور ال thalamus هو أنه بيستقبل جميع الإشارات الحسيه من جميع اجزاء الجسم واعاده إرسالها لقشره المخ ، ما عدا الإشارات الحسيه الخاصه بالعصب الشمي اللي هو ال
Olfactory nerve

اما المكون الرئيسي الثاني من مكونات ال diencephalon هو ال hypothalamus ,
ال hypothalamus موجود تحت ال thalamus وخلف ال optic chiasm
وبالرغم من أن الhypothalamus
عباره عن كتله صغيره من الانويه إلا أن دوره مهم جدا .
ال hypothalamus بيساعد في المحافظة على الاستقرار الداخلي للجسم من خلال التحكم في درجه الحراره ، والشهيه . والتصرف الجنسي . وبيتحكم برضو في الايقاع اليومي لمواعيد النوم .
وال hypothalamus برضو بيقدر يعدل من وظيفه الغده النخامية لأنه بيفرز هرمونات عصبيه بتحدد أمتي الغده النخامية تفرز هرموناته وامتي متفرزش .

#مختصر_التشريح du
المختصر المفيد
أحمد شريف
Ahmed sherif