دا راستی نا خڑینکاکو خلیرہ نالہ دا نیکن
دا چہیانٹے کنا ٹپی آ روح نا با خدا نیکن
دا لوز افس دا پاک آ مہر ئنا احساس جوزہ کو
دا بیرہ نظم ئس اف دیدہ دعاسے استنا نیکن
حفاظت ءِ نا فطرت کے بلا جاتو نہارآتیان
مدامی مہر نے رکھے تہار آ خار زار آتیان
مریس ہر دم نی باھوٹ ئٹ ڈغاری آ امیدآتا
اتے ماران پھل نیکن تینا خنتا بہارآتیان
وطن نا ہر ئسے رنگ ئٹ گروشک ایتے سلے نا رنگ
الے زیبائی نا بالاد گٹ و گر تلارآتیان
اسل خمپس نا خنک سنگت خڑینکاتا سمندر تے
نا چہرہ نا پدینی بچے آھڑ نا لوارآتیان
رسینگے نے مدامی زندئنا خوار ئس گونکی و
بریر نا مجلس آ ٹمکوک چلتن مہردارآتیان
سدائی برز و مھکم نی سلس بزگر نا ٹل امبار
مفیس ہچ ماندہ ساہ ئے کپ کروکا انتظار آتیان
زرس ام نے نظر ٹی اتپ درد و کرب وختاتا
مریس ہر ساعت دلدست آ تینا بیوس آ جیجاتا
بدئنگا ہر ئسے طاقت مرے کمزور نا مون آ
مریس ہندی مدامی جوزہ ٹی ژند ئنگا آ اُستاتا
ہرا سیخا کہ نے آ دے ئنا الپک زراب آتے
سلے محشر نا دے ئسکا خدا کے نے آ سیخاتا
مرے نا استنا ہر ہر ئسے ارمان پورا پھل
بغل ٹی نے الیر ھمشام کل خوشیک دنیاتا
سمندر تا مرے نیتو کڑمبی ساز وسعت ام
مرے نیتون چپی رنگ رژنائی دا ریکاتا
نا بشخندہ مَھاڑوکا کے زندہ ساہ تروکاتے
مرے درمان نا مخنگ ننا خلقی آ ڈکھ آتا
مینروا نا مرے نیتون حکمت علم دانائی
وڑٹ اوشن کوان ین نا مدامی کیس مسیحائی
برے وینس نا چوکاٹ آ غلامی کے ابد اسکان
امیتراسو نا وڑ بشخس جہانے تینا رژنائی
مریرک مش تا نا ندری آ پینڈورا فلورا ام
مثال ئٹ آئسس نا کیس تینا تے نی تینائی
ارنگ کپس نا مون ئٹ بنچخ آن کشکوکا ایمان آک
رسینگے راجی آ مہر آن نے انداخہ زیبائی
اسٹی نا مریسک چیدہ ئس نی قوم ئکے تینا
مریسک تاک نی کل ئٹ کے نیتو زیب یکتائی
نی ایتس کلے مستائی بروکا آسراتی تا
مرے نیتو انوکا کل، وہو تا حال پیرائی
غزل لکھے نے آ درویش و بیدل دور ئنا رومی
مرے نیتون شیلے کیٹس ئنا خیال آتا گُلکاری
نی خوندی بائرن نا شاہکار آ نظم ء تینتو کیس
نی چترنگدا نا عملی آ مریسک عکس رنگ شوخی
متاثر کیس استاتے نی قبانی نا شعرتا وڑ
قلم پرغے نا کردار آ امیر الشعرا اے شوقی
مریس اندن نی بے مٹ دنکہ ایلیڈ ئسک ہومر نا
سلر حیران نا مون آ عمر خیام شیرازی
مرے مصوم زیباو تغ ئس ءِ نا وڑٹ نا است
مرے نا فکر ئنا خوشبو گلابی مسکی بادامی
نثار ئٹ نی مروس ہر دم کہ نیکن مہر ئٹی سنگت
دعائس دونو لکھانے مرید استاد نوشکے ئی
Dua As
New Song
Singer : Mir Ahmed Baloch
Lyricist : Mureed Baloch
Mir Ahmed Baloch New Songs
Mir Ahmed New Songs 2024
Balochistan
Mir Ahmed Baloch New Songs 2024
Ustad Meer Ahmad Baloch 2024 Songs
Tawaar Balochistan
Mir Ahmed Baloch
Meer Ahmad Baloch
Mir Ahmed New Songs
استاد میر احمد بلوچ
میر احمد بلوچ
توار بلوچستان
Follow Me Social Media
Instagram :
/ tawaarbalochistan
Facebook :
/ jfelyozhxxkrq1fg
Youtube :
/ @tawaarbalochistan
#mirahmedbaloch #newsong #balochistan