Federico Pérez nace na Alemaña en 1976 aínda que crece en Mazaricos. Estuda Filoloxía galega en Santiago de Compostela e, ao rematalos estudos, entra no sector audiovisual traballando como asesor lingüístico na serie Mareas Vivas. Federico Pérez vai facendo carreira non só como asesor lingüístico senón tamén como guionista e intérprete. Traballa como actor no programa de sketchs Air Galicia, na serie Padre Casares ... aínda que o papel que máis o populariza é Moncho en 'Era Visto!'. Federico Pérez conta cun Premio Mestre Mateo pola súa interpretación no filme 'Trote' e ten traballado tanto para a televisión como para o cine e o teatro. De feito, o 19 de abril estreará '+Cuñados', a secuela dunha das comedias galegas de maior éxito.
Quedamos con el na Facultade onde estudou, en Filoloxía Galega da USC. Falamos da súa traxectoria profesional, da lingua, da ficción e tamén da realidade que hoxe se vive no audiovisual galego.
#RostrosdoPaís #FedericoPérez #Entrevista #Galego