#FÓRA | San Pedro de Rocas é un dos maiores reclamos turísticos de Ourense. Para facilitar a chegada de grandes autobuses, construirase unha estrada cun viaduto de cinco metros de alto que rematará con 130 árbores e afectará varios Bens de Interese Cultural.
Asociacións ecoloxistas e a Fundación Moreiras San Pedro de Rocas denuncian que a obra é innecesaria e está repleta de irregularidades. A Deputación de Ourense está acusada de falsificar documentos e de mentir sobre a localización da obra para poder executala.