Go directly to1:00 min if you dont want to listen conversation beteen the audience before ghazal :)
[or simply click on this 1:00 ]

Singer: Iqbal Bano
Poet: Nasir Kazmi
Program:Nikhar (70's)
Recording at Ashfaq Ahmad's Home by PTV

Audience: Ashfaq Ahmad, Ahmad Faraz, Kishwar Naheed, Ayyub Romani, Ahmad NAdeem Qasmi,Hafeez Jalandhri


کچھ تو احساسِ زیاں تھا پہلے
دل کا یہ حال کہاں تھا پہلے

اب تو جھونکے سے لرز اٹھتا ہوں
نشّۂ خوابِ گراں تھا پہلے

یوں نہ گھبراۓ ہوۓ پھرتے تھے
دل عجب کنجِ اماں تھا پہلے

اب بھی تو پاس نہیں ہے لیکن
اس قدر دور کہاں تھا پہلے

غم نے پھر دل کو جگایا ناصر
خانہ برباد کہاں تھا پہلے
**********
Above are the couplets sung by Iqbal Bano, rest couplets of Ghazal are

ڈیرے دالے ہیں بگولوں نے جہاں
اُس طرف چشمہ رواں تھا پہلے
اب وہ دریا، نہ وہ بستی، نہ وہ لوگ
کیا خبر کون کہاں تھا پہلے
ہر خرابہ یہ صدا دیتا ہے
میں بھی آباد مکاں تھا پہلے
اُڑ گۓ شاخ سے یہ کہہ کے طیور
سرو ایک شوخ جواں تھا پہلے
کیا سے کیا ہو گئ دنیا پیارے
تو وہیں پر ہے جہاں تھا پہلے
ہم نے آباد کیا ملکِ سخن
کیسا سنسان سماں تھا پہلے
ہم نے بخشی ہے خموشی کو زباں
درد مجبورِ فغاں تھا پہلے
ہم نے ایجا کیا تیشۂ عشق
شعلہ پتھّر میں نہاں تھا پہلے
ہم نے روشن کیا معمورۂ غم
ورنہ ہر سمت دھواں تھا پہلے
ہم نے محفوظ کیا حسنِ بہار
عطرِ گل صرفِ خزاں تھا پہلے
اب تو منزل بھی ہے خود گرمِ سفر
ہر قدم سنگِ نشاں تھا پہلے
سفرِ شوق کے فرسنگ نہ پوچھ
وقت بے قیدِ مکاں تھا پہلے
یہ الگ بات کہ غم راس ہے اب
اس میں اندیشۂ جاں تھا پہلے