Recited by Syed Ali Zaidi on 7/22/2023 in Chicago

*Ghoray Se Gir Ke Jab Ali Akbar Ne Di Sada
Apni Qamar Ko Thaam Ke, Shabbir Ne Kaha*

Karhiyal Jawan Ki Laash Uthaane Chale Hain Hum
Seedhi Ho Aye Kamar Tujhe Abbas Ki Qasam


Yeh Imtehan Zaeefi Mein Mujhko Nibhana Hai
Akbar Ko Le Ke Khaima e , Zainab Mein Jana Hai
Raste Mein Larkharaen Na, Shabbir Ke Qadam
Seedhi Ho Aye Kamar Tujhe Abbas Ki Qasam



Ghurbat Pe Apni Roya Hai, Khud Ibn e Fatima
Gir Gir Ke Tay Kiya Hai, Maqtal Ka Fasla
Bas Hum Se Door Laash Hai, Akbar Ki Doh Qadam
Seedhi Ho Aye Kamar Tujhe Abbas Ki Qasam



Rasha Hai Iss Qadar Ke, Larazte Hain Mere Haath
Laasha Hai Yeh Rasool Ka, Akbar Ke Saath Saath
Doh Laashe Aik Saath, Uthayenge Kaise Hum
Seedhi Ho Aye Kamar Tujhe Abbas Ki Qasam



Iss Haal Mein Kahin Mujhe, Zahra Na Dekhlen
Meri Kamar Jhuki Hui, Baba Na Dekhlen
Aate Hi Honge Meri, Madad Ko Shahey Ummam
Seedhi Ho Aye Kamar Tujhe Abbas Ki Qasam



Seene Mein Kahey Ke Torhi Hai, Zalim Ne Yeh Sina
Ab Dekhna Hussain Ki, Niklegi Kaise Jaan
Zalim Ko Yeh Batana Hai, Ibn e Ali Hain Ham
Seedhi Ho Aye Kamar Tujhe Abbas Ki Qasam



Iss Haal Mein Khayam Mein, Jaoonga Kis Tarha
Zainab Ki Kainaat, Uthaoonga Kis Tarha
Zahra Ka Chand Karb o, Bala Mein Hua Hai Kham
Seedhi Ho Aye Kamar Tujhe Abbas Ki Qasam



Amma Ke Saath Milke, Sina Meine Khench Li
Haathon Mein Ab Hamare Woh, Taqat Nahi Rahi
Abbas Kya Gaye Mere, Bazoo Huey Qalam
Seedhi Ho Aye Kamar Tujhe Abbas Ki Qasam



Baahen Galey Mein Daal Di, Akbar Ne Jis Gharhi
Ibn e Ali Ne Ro Ke, Takallum Sada Yehi Di
Saansen Bachi Hain Ab Mere, Akbar Ke Paas Kam
Seedhi Ho Aye Kamar Tujhe Abbas Ki Qasam