'Amma' is a new malayalam poem written by Maneesh Mathai Koottumkal and recited by Musthaf Aboob (Idea Star Singer Fame).
Poem Name : Amma
Lyrics: Maneesh Mathai Koottumkal
Recitation: Musthafa Aboob
Banner: #MountMoriahCreations
Orchestration: V J Pratheesh
Mix & Master: Nebu Alex
Studio: Audio Kraft, Kuwait
Editing: Unni Ramapuram
To watch മലയാളം കവിത 'മധുരിക്കും ഓർമ്മകൾ',
Visit # • MADHURIKKUM ORMMAKAL|malayalam kavith...
For Latest Christian Devotional Songs,
കാൽവരി ക്രൂശിൽ...
Visit # • KALVARY KRUSHIL|ഏറ്റവും പുതിയ ക്രിസ്ത...
സ്നേഹം ദിവ്യസ്നേഹം....
visit # • Sneham Divya Sneham|LATEST MALAYALAM ...
തിരിനാളമായെൻ നാഥൻ ......
visit # • THIRINAALAMAAYEN NAADHAN|New Christia...
***LYRICS****
പാരിൽ പിറന്നൊരു നാളിലാ മാറിലെ
ചൂടു പകർന്നു പിന്നെന്നും
കോരിയെടുത്തന്നെ വാരിപ്പുണർന്നെന്റെ
നെറുകയിലുമ്മകൾ തന്നു (പാരിൽ.......)
കുഞ്ഞിളം പൂവുപോലുള്ളൊരെൻ മേനിയിൽ
എണ്ണ പുരട്ടിയതമ്മ
വെള്ളിത്തളികയിൽ വെള്ളം നിറച്ചെന്നു
മെന്നെക്കുളിപ്പിച്ചതമ്മ
ഉച്ചിയിൽ വെള്ളമിറങ്ങാതെ കച്ചകൊ
ണ്ടെന്നെത്തുവർത്തിയതമ്മ (2)
കണ്ണേറുതട്ടാതെ എൻകവിളിൽ മഷി
പ്പൊട്ടൊന്നു തൊട്ടതെന്നമ്മ (മഷി...)
പിച്ചവച്ചു ഞാൻ നടന്നൊരു കാലമെൻ
കൈപിടിച്ചു കൂടെ വന്നു
ഉച്ചവെയിലത്തു കളിച്ചു നടന്നപ്പൊ
ളുച്ചത്തിലെന്നെ വിളിച്ചു
അച്ഛന്റെ ചൂരലിൻ തുമ്പത്തു നിന്നെന്നെ
യെന്നും ഒളിപ്പിച്ചതമ്മ
ദീനങ്ങളെന്നെയലട്ടിയ നാളേറെ
ദൈവങ്ങളെ വിളിച്ചമ്മ
നോവുകൾ നിദ്ര കവർന്ന നിശകളിൽ
കാവലാളായവൾ നിന്നു (2)
എന്നെയുറക്കുവാൻ കണ്ണിമ പൂട്ടാതെ
താരാട്ടുപാട്ടുകൾ പാടി (താരാട്ടു.....)
ആദ്യാക്ഷരം പൂഴിയിൽ ഞാൻ കുറിച്ചനാ
ളെൻ വിരൽ വേദനിച്ചപ്പോൾ
ഉദ്യമിച്ചീടുകിൽ നീ വിജയിക്കുമെ
ന്നാദ്യമായ് ചൊല്ലിയതമ്മ
വിദ്യാലയത്തിലന്നാദ്യമായ് പോയനാൾ
കൈപിരിഞ്ഞു; ഞാൻ കരഞ്ഞു
ഞാനറിയാതവൾ ചുവരിൻ മറവില
ന്നെൻ ചേഷ്ടകൾ നോക്കിനിന്നു
പിന്നിട്ടു വർഷങ്ങളേറെയെന്നാകിലും
അമ്മയ്ക്കു ഞാനിന്നുമുണ്ണി (2)
വാത്സല്യമെന്നതല്ലാതൊരു നാളുമാ
ഉള്ളത്തിൽ ഞാൻ കണ്ടതില്ല (ഉള്ളത്തിൽ.......)
അത്ഭുതങ്ങൾ സപ്തമാകിലുമീഭൂവിൽ
ഒന്നുകൂടി ഞാനറിഞ്ഞു
എക്കാലവും ഒളി മങ്ങാത്തൊരൊന്നതെ
ന്നമ്മയെന്നുൺമ തന്നല്ലോ
പരിഭവമില്ല; പരാതികളില്ലാതെ
യുരുകുന്ന മെഴുതിരി അമ്മ (2)
എന്നിട്ടുമമ്മയ്ക്കൊരുമ്മ നൽകീടുവാ
നെന്തേ മറക്കുന്നു ഞാനും
എന്തേ മറക്കുന്നു....... ഞാനും ..........???