bilang mga Ahmadi Muslim, ang ating pinakamalaking hamon ay hindi lamang protektahan ang ating sarili mula sa makamundong karera, kundi pati na rin ang pagiingat ng ating mga susunod na henerasyon at hikayatin ang ating mga anak na magtayo ng walang hanggang ugnayan kay Allah na Makapangyarihan.
Bukod pa rito, lampas sa paggabay sa ating mga mahal sa buhay, tayo rin ay may tungkuling magliwanag ng daan para sa mas malawak na lipunan sa pamamagitan ng pagpapabatid sa mga nasa ating maabot na ang tunay na kaligtasan ay matatagpuan lamang sa pagkilala at pagsuko sa Diyos. Tunay nga, ito ay napakalaking responsibilidad
sa balikat ng bawat Ahmadi na lalaki at babae. Walang duda, sa kasalukuyang panahon, ang pangunahing sanhi ng mga alitan, maging sa loob ng pamilya, komunidad o mga bansa, ay ang lumalaking agwat ng sangkatauhan sa Diyos.
Ang pera, kapangyarihan, at paghahangad ng kayamanan ay naging mga diyos ng panahong ito. At upang makamit ang mga huwad na idolong ito, matagal nang pinagsasamantalahan ng mga makamundong tao ang kababaihan sa mga mapanlinlang at mapangalipustang paraan, ginagawang parang mga piyesa upang makamit ang kanilang materyal na layunin.