Föstudaginn 18. janúar 1952 voru allir bátar úr Grindavík á sjó, þegar það skall á hið versta veður. Um sjöleytið sást til Grindvíkings á innsiglingarleiðinni við Þórkötlustaðanesið, í um tveggja kílómetra fjarlægð frá höfninni. Nokkru síðar sást að kveikt hafði verið bál á þilfarinu. Þegar menn komu út í nesið, var ekkert að sjá nema myrkur og dimmviðri, ekkert bál og ekkert skip, enda sást varla út úr augum. Um miðnætti tók að reka úr Grindvíkingi og varð ljóst að báturinn hafði brotnað í spón.
Með Grindvíkingi GK 39 fórust fimm ungir menn á aldrinum 23 til 37 ára. Voru fjórir þeirra Grindvíkingar en sá fimmti úr Árneshreppi.
Skoða nánar: https://www.legstadaleit.com/grindvik...
#sjóslys #Grindavík #Grindvíkingur #Árnes #1952 #Ísland #sjómenn #iceland #sailors