رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
هما النرجسيين بيفكرونى بالأفلام الأجنبيه اللى فكرتها الرئيسيه بتدور حوالين حاجة شاذة ومش مفهومه ومكلكعه ومهما تتفرجى عالفيلم مرة واتنين وعشره انتى مش بتفهمى الفيلم أصلا وتسألى نفسك ازاى الكاتب بالكلكعه النفسيه والإلحاد والشذوذ دة عشان يألف فيلم بالشكل دة هما كدة فعلا حاجة شااااااااذة وشيطانيه مالهمش قواعد ولا كتالوج نقدر نعيش بيه معاهم كل اللى بيحصلنا اننا بنتدمر بنتدمر بس ومش بنبقى فاهمين ليه ولما تحصل معجزة ونفهم ونفهم ونفهم كل حاجة ماحدش من اللى حوالينا بيصدقنا وبيفكروا اننا احنا اللى مجانيين

فعلا النرجسيين عندهم كلكعة نفسية ومالهمش قواعد ولا كتالوج دة صحيح لكن رأي علماء النفس انهم حاجة هشة وضعيفة عارفين بالظبط زي يه زي الشيطان حله آية يتحرق ،ومع ذلك يقدر يكون له سلطة عليكي لكن هل يقدر يعمل دة غصب عنك ؟ يعني الشيطان يقدر يخليكي تعملي حاجة غصب عنك؟ ولا بمزاجك ؟ في الأول الشيطان بيدخل للإنسان من جميع المداخل اللي بيحبها وممكن تغريه ويحلي له الحرام وبعدين يعوده عليه وبعدين لما يلاقيه خلاص اتعود يسيبه بقى ويروح يغوي غيره ،طيب لو الموضوع بالبساطة دي وان دة بيحصل غصب عن الابني ادم مكانش اتحاسب عليه ، يعني ايه يعني الشيطان ميقدرش على كل بني ادم زيه زي أي عدو مايقدرش على الخصم القوي ،والشيطان مايقدرش على البني ادم الللي ايمانه قوي بيحاول معاه ويوقعه مرة وميقدرش ميت مرة وممكن مايقدرش يوقعه ،يعني ايه ايمانه وقوي وازاي يكون ايمانه قوي بسيطة برضه جدا بالطاعة بالصلاة والاذكار هو لما بياخد خطوة ربنا بييجي له خطوات دة مش كلامي دة كلام ربنا في الحديث القدسي ، طيب كل الكلام دة ايه علاقته بالنرجسي ؟ ، ماهو النرجسي هو الشيطان بس شيطان الانس . لو انتي قوية وبتصلي وبتقولي اذكارك الشيطان مش حيقدر يخليكي يعملي معصية او كبيرة ع الأقل ، انما لما انتي بعيدة عن المحامي بتاعك ووكيلك وربك وخالقك وحبيبك فانتي ريشة في مهب الريح والشيطان اللي ممكن تحرقيه بكلام تقوليه بلسانك يقدر يضيعك لانك ضعيفة ، نفس الكلام مع النرجسي هو عنده قوة زي اللي عند الشيطان ويقدر يغويكي زي الشيطان وللأسف ممكن يكون له قوة اوسلطة عليكي طبعا والشيطان ملوش يعني النرجسي أسوأ ، طيب لما انتي تكوني ضعيفة مش دينيا لا دلوقتي لما تكوني صحتك النفسية ضعيفة لاي سبب وانتي شخصيتك ضعيفة وانتي مستسلمة للأذى ومش عارفة تقيمي دماغك وترفعي راسك وتبصي ادامك وتشوفي اللي بيحصل فيكي وفي نفس الوقت رافضة تتعبي على نفسك ورافضة تبذلي مجهود وخايفة من النرجسي وصلتي انك بتخافي تتكلمي أصلا لانه مفتري ، طيب لو فضلتي بالضعف دة حيقدر عليكي وحيتمكن منك اكتر وحيضيع عمرك وصحتك واولادك كمان ، طيب لو بقيتي قوية تفتكري الوضع حيكون زي ما هو ؟ لو اشتغلتي على نفسك واسترديتي نفسك وثقتك بنفسك ورجعتي تشغلي مخك ورجعتي تتفاعلي مع المجتمع وقدرتي تشتغلي ويبقى لك مصدر رزق وبدأتي تحسي انك قوية ومسنودة تفتكري الوضع حيكون برضه زي ماهو ؟ لو انتي اتعلمتي وقرأتي وفهمتي النرجسي دة ايه والكلاكيع اللي جواها دي ايه وثقفتي نفسك في علم النفس بلاش تقرأي شوفي الفيديوهات بس ، تفتكري لو فهمتيه وفهمتي جزئيات شخصيته المتلزقة دي انتي مش حتعرفي تتعايشي ، انتي شايفاه كأنه فيلم مكلكع لو شفتيه ميت مرة برضه مش حتفهميه عشان انتي محاولتيش تفهميه ماتعبتيش نفسك محاولتيش تخرجي برة منطقة الراحة وتدوري وتفكري وتتعلمي ، مافكرتيش برة الصندوق عشان تفهمي الفيلم المكلكع دة اوله ايه واخره ايه ، انتي لو سلحتي نفسك بالعلم والمعرفة زي ما قال تيودور النرجسي اعدى أعداء النرجسي العلم والمعرفة لان دول اللي ممكن تحاربيه بيهم ، طيب لو اتعلمتي وعرفتي النرجسي وماعرفتيش نفسك وتواصلتي معاها حتخافي اكتر وحتضعفي اكتر عشان كدة اول حاجة عملتها في القناة كانت التشافي ومش بترتيب مني ابدا دا كان ترتيب ربنا وانا مكنتش فاهمة انا ببدأ بالتشافي ليه بس لقيت نفسي بعمل فيديوهات التشافي اول حاجة دلوقتي بس وانا بكتب الحلقة دي فهمت ليه ربنا رتب لي ابدأ بالتشافي الأول ، لانك فعلا لو عرفتي النرجسي قبل ماتعرفي نفسك وترجعي لها وتحبيها وتقويها وتتعافي حتترعبي اكتر وحتفشلي في أي حاجة تحاولي تعمليها ومش بعيد بعد الشر عنك تمرضي ويجرالك حاجة ، انتي كدة كدة اول مابتعرفي بتدخلي في الاضطراب التالي للكرب يعني لازم تتلحقي بالتشافي فورا وسبحان الله ترتيب ربنا دة كان لكم انتم عشان هو عايز ينقذكم ويراعيكم وعشان هو بيحبكم ،
طيب اهم من كدة دة انك تتقوي بربنا انك تقربي له عشان هو اللي حيوفقك للعلم والمعرفة وهو اللي حيساعدك تتعافي وهو اللي حيقويكي ويديكي الشجاعة والقوة وهو اللي حيرشدك للاصلح لكي سواء تكملي مع النرجي وتتسيطري على حياتك ولا تهربي منه وتسيطري على حياتك برضه ،
لما انتيي ماتعمليش دة لازم تشوفي النرجسي حد ملوش كتالوج ولا قواعد فين انه في منتهى الغباء وانتي اذكى منه بمراحل واقوى منه بمراحل ، بس انتي اللي مش عارفة نفسك#صحةـنفسية #القوة #الاكتئاب #النرجسي #النرجسية