ლევან ბერძენიშვილის საავტორო გადაცემა „ლიტერატურული წახნაგების“ მორიგი გამოშვება დაეთმობა რუბრიკას Dichtung und Wahrheit („პოეზია და სინამდვილე“). შემოგთავაზებთ ნაპოლეონის ომებისა და თავად იმპერატორის ასახვას ლევ ტოლსტოის „ომსა და მშვიდობაში“. როგორი იყო სინამდვილეში ნაპოლეონი, რამდენად ტენდენციურია ლევ ტოლსტოი, ვინ მოიგო, ბოლოს და ბოლოს, ბოროდინოს ბრძოლა, როგორია ისტორიისა და ლიტერატურის ურთიერთობა, ამდიდრებენ თუ აღარიბებენ ისინი ერთმანეთს — ამ და სხვა საკითხებს შეეხება ეს გადაცემა.