ഈ ക്രിസ്മസിനു ഒരടിപൊളി പോർക്ക് ഫ്രൈ ആയാലോ..എങ്കിലിതാ അമ്മച്ചിയുടെ സ്പെഷ്യൽ പോർക്ക് ഫ്രൈ റെസിപ്പി..ഇതിന്റെ രുചി അപാരം

ആവശ്യമുള്ള സാധനങ്ങൾ
പോർക്ക് 1.5 കിലോ
ചെറിയ ഉള്ളി 150 ഗ്രാം
കുരുമുളകുപൊടി 24 സ്പൂൺ
മഞ്ഞൾ പൊടി
ഇഞ്ചി വെളുത്തുള്ളി
തേങ്ങാ കൊത്ത്
പച്ചമുളക്
സവോള 3 എണ്ണം
മല്ലിപൊടി 2 സ്പൂൺ
കാശ്മീരി ചില്ലി 1 സ്പൂൺ
മുളകുപൊടി 1/2 സ്പൂൺ
ഗരം മസാല
വിനാഗിരി

നന്നായി കഴുകി വൃത്തിയാക്കിയ പോർക്കിലേക്ക് ആവശ്യത്തിന് ഉപ്പും കുറച്ച് മഞ്ഞൾ പൊടിയും, ചതച്ചു വെച്ചിരിക്കുന്ന ഇഞ്ചിയും വെളുത്തുള്ളിയും, ചെറിയ ഉള്ളിയും ഇടുക. അതിലേക്ക് ഒന്നോ രണ്ടോ സ്പൂൺ കുരുമുളകുപൊടി ചേർക്കുക (ആവശ്യത്തിനനുസരിച്ച്). ഇതിലേക്ക് ചതച്ചുവെച്ച പച്ചമുളകും, കുറച്ച് കറിവേപ്പിലയും കൂടി ചേർക്കുക. കുറച്ച് വെളിച്ചെണ്ണ ചേർത്ത് നന്നായി കൂട്ടിയോജിപ്പിക്കുക. ഇത് മൂടിവെച്ച് 10 മിനിറ്റ് വേവിക്കുക. (ഇടക്ക് ഇളക്കികൊടുക്കണം). നന്നായി വേവിച്ചതിനുശേഷം വാങ്ങി വെക്കുക. ഒരു പാൻ വെച്ച് അതിലേക്ക് കുറച്ച് വെളിച്ചെണ്ണ ഒഴിച്ച് കുറച്ചു കടുക് ഇടുക. എടുത്തുവെച്ചിരിക്കുന്ന തേങ്ങാകൊത്തിലേക്ക് കുറച്ചു മഞ്ഞൾ പൊടി കൂടി ചേർത്ത് ഇളക്കി വെളിച്ചെണ്ണയിലേക്ക് ഇടുക. ഒന്ന് ഫ്രൈ ആയതിനുശേഷം അതിലേക്ക് 3 സവോള ചേർക്കുക. വഴന്നുവന്നതിന് ശേഷം ഇതിലേക്ക് 2 സ്പൂൺ മല്ലിപൊടി ചേർക്കുക. ഒന്ന് ഇളക്കി യോചിപ്പിച്ച ശേഷം കാശ്മീരി ചില്ലി 1 സ്പൂണും മുളകുപൊടി 1/ 2 സ്‌പൂണും ചേർക്കുക. കുറച്ച് ഗരം മസാലകൂടി ചേർത്ത് നന്നായി ഇളക്കി യോജിപ്പിക്കുക. ഇതിലേക്ക് 2 സ്പൂൺ കുരുമുളക് പൊടി കൂടി ചേർത്ത് ഇളക്കുക. ഇതിലേക്ക് പോർക്ക് വേവിച്ചപ്പോൾ മാറ്റിവെച്ചിരിക്കുന്ന നെയ് വെള്ളം കൂടി ചേർത്ത് മൂടി വെച്ച് 5 മിനിറ്റ് കൂടി വേവിക്കുക. ഇതിലേക്ക് കുറച്ച് കറിവേപ്പിലയും കുറച്ച് വിനാഗിരിയും കൂടി ചേർത്ത് ഒന്നുകൂടി ഇളക്കിയെടുക്കുക. പോർക്ക് കറി റെഡി...

Pachakam : maryammachi
Anchor : Shinoy
Camera and Edit : Akhil, Wilson