စင်ကာပူနိုင်ငံကို လာရောက်လည်ပတ်သူတိုင်း Pulau Ubin ကျွန်းလေးကို တစ်ခါတစ်ခေါက်တော့ အရောက်သွားဖြစ်ကြတာများပါတယ်။ Pulau Ubin ဆိုတာ ဂျာဗားနီးစ်ဘာသာစကားမှ ဆင်းသက်လာတာဖြစ်ပြီး Pulau က ကျွန်းလို့ အဓိပ္ပာယ်ဆောင်ပြီး Ubin ကတော့ လေးထောင့်ပုံကျောက်တုံးလို့ အဓိပ္ပာယ်ရပါတယ်။ ဒါဆို လေးထောင့်ပုံကျောက်တုန်းသဏ္ဍာန်ဆောင်သော ကျွန်းလေးတစ်ကျွန်းလို့ ဆိုနိုင်တာပေါ့။ အဲဒီကျွန်းလေးကတော့ စင်ကာပူရဲ့ အရှေ့မြောက် ကမ်းရိုးတန်းအရပ်မှာ တည်ရှိပြီး စင်ကာပူရဲ့ တစ်ခုတည်းကျန်ရှိသော ကျေးရွာလေး တစ်ရွာပဲဖြစ်ပါတယ်။