الحكاية بتبدأ بعاصفة وحادثة عربية وراجل بيفوق من إغماء جنب العربية اللي اتدغدغت في الحادثة. بيطلع على الطريق وبيمشي لحد بلد صغيرة. قبل ما يوصل هناك عربية بتقرب منه وكانت هاتخبطه بس بتخرج عن الطريق. الراجل بيجري يشوف اللي جواها بيلاقي اللي فيها ميتة. بياخد موبايلها وبيطلب الإسعاف. اللي بترد عليه بتاخد معلومات عن المكان اللي هو فيه بالعافية بسبب الصوت. بتسأله عن اسمه. "إيه دا ثانية واحدة، هو أنا كان اسمي ايه؟" بيطلع اللي في جيبه وبيلاقي رخصة سواقة بس مافيش عليها اسم. خلاص احنا نسميه اللي مايتسمى. فجأة، طائر ميت بيقع على العربية وبيخضه. اسم الله عليك. بيجري من عند العربية طبعًا. ماتجريش انت من الفيديو ها اعمل لايك واشترك في القناة. أخيرًا بيوصل لمطعم ولما بيدخل بيلاقي إن كل اللي جوا ميت بردو.