اسم الفيلم = parallel
أصدقاء بيلاقو مرايه بتنقلهم الي “اكوان متعددة” ، ولكن سرعان ما يكتشفون أن استيراد المعرفة من الجانب الآخر من أجل تحسين حياتهم يؤدي إلى وخيمة بشكل متزايد

لما بيرجعوا البيت بيناقشوا إمكانية إنهم يخلصوا الأبليكيشن في أسبوع، واللي كان مستحيل، (ديفين) كان عايز يستسلم ويدوّر على شغل في أي شركة، بس (جوش) اتعصّب عليه لما سمع الكلام ده، ورمى حاجة على صورة اللوجو بتاعهم اللي كانت متعلقة على الحيطة، الصورة وقعت وبينت الشقوق اللي كانت في الحيطة، بس لما (لينا) راحت تتفحصها، اكتشفت إنها حيطة مزيفة، بيقرروا إنهم يكسروا الحيطة المزيفة ويطلعوا على السلالم اللي كانت مختفية وراها، السلم بيطلعهم على سندرة مكانوش عارفين إنها موجودة في البيت، السندرة كانت مليانة حاجات مختلفة، كانت أغلبها حاجات عادية بس كان فيه شوية حاجات مريبة، كان فيه صورة لـ(ماريسا) وهي ماشية ورا نفسها في المدينة، وكان فيه نسختين من نفس المجلة واللي كان فيه ما بينهم شوية اختلافات بسيطة في التفاصيل، كان فيه كمان ممر في الخزنة بيطلّع على الجزء الخلفي من البيت، كمان بيلاقوا منظار بيسمحلهم يشوفوا كل أوضة في البيت، (ديفين) بيخبط في مراية كبيرة من غير ما يقصد، لما ديفين حط إيده على المراية، إيده غاصت لجوه المراية، استغربوا كلهم، و(لينا) و(جوش) جربوا وحطوا إيديهم لقوها بتغوص جوه المراية برضو، (ديفين) بيدخّل إيده في المراية تاني بس المرادي كان ماسك الموبايل في إيده وبيسجل فيديو، لما شافوا الفيديو اللي سجله وهو حاطط إيديه جوه المراية، اكتشفوا إن فيه أوضة تانية شبه دي بالظبط في الناحية التانية من المراية، بس مكانش فيه حد جواها، (جوش) بيقتحم المراية بجسمه كله، ولما كلمهم مكانوش سامعينه من الناحية التانية، بيمشي في الممر اللي بيطلعه على الجزء الخلفي من البيت، وبيشوف نسخة تانية منه هو وصحابه واقفين هناك

لو عجبكم الفيلم ادعمونا بلايك وواشتركو في القناه علشان تشوفوا كل تلخيصاتنا الجايه ❤❤