بسبوسه الحلوانيه مع زينب زياد
هقولكم مقاديرها بالكوب وبالجرام

المقادير بالجرام

٥٠٠ جم سميد ناعم
٢٠٠ جم سكر عادى
١٥٠ جم سمن بلدي
٥٠ جم عسل جلوكوز او عسل عادى
جوز هند حسب الرغبه (( معلقتين بالكتير ))
١٧٠ ملي حليب
فتفوته بيكنج بودر ببوز معلقه صغننه

المقادير بالكوب بتاع الشاي المج الزجاجي

٣ كوب سميد
١ كوب سكر
نص كوب سمن بحراره الغرفه + معلقه
معلقه ك مليانه عسل جلوكوز او عسل عادى
معلقتين كبار جوز هند اختياري (( مبنحسش بطعمه خاااالص متخفوش ))
٣/٤ كوب حليب
فتفوته بيكنج بودر ببوز معلقه صغننه

الشربات بتاع البسبوسه لازم يكون سخن مووولع و خفيف
مقاديره
١ كوب ونصف سكر
٣ كوب من المايه
بعد الغليان عدى عشر دقايق واطفي
وضيفي معلقه سمنه هتلمع البسبوسه وتطريها تبقى عسل

الصنيه مقاس ٣٢ سم
طب لو حبينا نحطها فى صنيه صغيره مقاس ٢٦ ؟
نعمل نص المقداررررر
دمتم بخيييير ياحلوين ❤❤❤