رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب https://wa.me/message/MKKOMJ3C77WMB1
حجز الاستشارات : https://kawtharsanad.com/
ما عليك سوى الانتساب إلى هذه القناة للاستفادة من المزايا:
   / @useridkawtherssanad  
ليه النرجسي كل شوية يهددك إنه هيسيبك ؟
النرجسي من اول يوم وهو بيهدد بالطلاق او الجواز التاني فهل هو فعلا عايز يطلق طب كان اتجوز ليه؟ وهل عايز يتجوز تاني ؟
هو غالبا كدة النرجسي اللي بيهدد بالطلاق من بداية الجواز دة بيكون للأسباب اللي حنقولها النهاردة وخصوصا لو كان نرجسي خفي لان النرجسي الخفي زي ماقلنا مش بسهولة بيطلق لان الصورة المجتمعية مهمة جدا عنده فمش حيخربها بسهولة بالطلاق ، هو مش بيكون ناوي يسيبك ولا حاجة لأنه لو فعلا حيطلق حتلاقيه بينفذ من غير مايقول تهديدات فارغة
طيب ليه بيهدد بالطلاق طول الوقت؟ أسباب كتير بتخليه يعمل كدة
١ أولها والهدف الأساسي من التهديد ده هو فرض سيطرته عليكي بيخوفك عشان تعملي له إللي هو عايزة وطول ما إنتي خايفة إنه يسيبك طول ما إنتي بتسمعي الكلام وطيعة و بتقبلي الإهانات لإنك خايفة تواجهيه لايسيبك فعلا خايفة تبقي لوحدك وخايفة من فكرة إنه غير مرغوب فيكي وإنك مش مهمة
الغريب بقى إن النرجسي نفسه عنده نفس الخوف من الهجر والرفض ده بيخليه يسقط عليكي الكلام ده عن طريق إنه يهددك كل شوية إنه هيمشي فتفضلي طول الوقت بتحلقي عليه بتهتمي بيه وده كمان بيخليه مبسوط وراضي إنه محور الاهتمام طول الوقت
كمان النرجسي بيبقى عايز يثبت لنفسه إنه مركز القوة وإنه هو المتحكم وإنك طول الوقت خايفة ومرعوبة من انه يتخلى عنك وطبعا ده بيوصل له إنك شايفاه حاجة مهمة ومتقدريش تعيشي من غيره
وعشان الناس اللي بتقول اننا بنهري ونقول أي كلام حنتكلم بالعلم والأبحاث ، دراسة اتنشرت سنة ٢٠٠٦ في مجلة Personality and Social Psychology Bulletin" قالت ان النرجسيين بيستخدموا استراتيجيات التلاعب العاطفي زي التهديد بالرحيل او الانفصال كوسيلة لبسط سيطرتهم ، بتقول الدراسة ان الناس دي بتكون شايفة العلاقة ساحة لتحقيق مكاسب شخصية ومش علاقة قائمة ع الود والاحترام .
٢ أوقات تانية النرجسي بيستخدم التهديد ده عشان يفكرك قد إيه إنتي محظوظة بيه ومحظوظة إنه في حياتك فيخليكي تحسي بالنقص أو عدم الاستحقاق ما هو طول ما هو عايز يسيبك فإنت أكيد وحشة وكلك عيوب وهو مفيش منه فتبدأي بقى تعدلي وتحسني نفسك عشان تنولي الرضا منه
على حسب وجهة نظر النرجسي علميا بيقولوا إن نرجس بيشوف إن التهديد الشريك بالرحيل بيدي شعور بالتفوق والسيطرة على العلاقة وفقا لدراسة اتنشرت في جورنال أوف بيرسوناليتي أنت سي سوشيال سيكولوجي أنا نرجسيون يميلون إلى الاعتقاد بأنهم يستحقون معاملة خاصة عندما يشعرون بأن شريكهم لا يلبي هذه التوقعات يهددون بالرحيل ليؤكدوا مكانتهم ويعيدوا الشريك إلى حالة من الاعتماد العاطفي
٣ تالت حاجة بقى إن أحيانا بيكون التهديد ده عشان يخرج من مشكلة واجهتيه بيها يعني عمل مثلا عملة سودا فتوجهيه فيقول لك إنت إزاي تتهميني بحاجة زي دي والله لسيب لك البيت وامشي كرامتي مش قادرة تستحمل وأهنتيني و كسرتيني
وطبعا في حالة إن الضحية لسة ضعيفة متعلقة بيهم مش قادرة على بعده وشايفاه راجل برنس مينفعش يضيع من إيدها فهي في كل الحالات حتموت نفسها عشان مايسبهاش بتهتم وتدلع وتعمل إللي ميتعملش عشان يرضى عنها ويغير رأيه ومايسبهاش
الدراسات بقى في موضوع تجنب المساءلة والمسؤولية وتجنب المواجهات في حالة الأخطاء إللي بيعملها النرجسي دراسة نشرت في مجلة Personality Treatment Disorders: Theory, Research, and
أوضحت إن النرجسيين يميلون إلى تجنب المسألة من خلال التهديد بإنهاء العلاقة وذلك لتفادي مواجهة مشاعر الإحراج أو الفشل
٤ كمان النرجسي أحيانا يستخدم التهديد إنه يسيبك عشان يخليكي تغيري ويعد يقول لك هتجوز عشان آه ياخد منك رد فعل قوي سلبي وفي نفس الوقت تبذلي المزيد من الجهد عشان تحصلي على رضاه ده بيعزز شعور النرجس بالأهمية والسيطرة على العلاقة ودي حاجة مهمة جدا بالنسبة لهذا الاضطراب
وخدي بالك انه بيلجأ لكدة لما بيحس انك فهمتيه او بدأتي تفوقي او بدأتي تتغيري او انك أصلا قوية وهو مش عارف يكسرك
٥ خامس حاجة بقى النرجسي ممكن يهددك إنه يسيبك بسببها إن هو أصلا خايف من الالتزام هو مش عايز يتعمق أكتر في العلاقة فدايما يحسسك إن العلاقة سطحية وهشة وإنها في أي وقت ممكن تنتهي في دراسة أجراها فوستر وكامبيل سنة 2002 قالت إن النرجسيين غالبا ما يشعرون بالقلق حيال الالتزام في العلاقات العاطفية لأنهم يخشون فقدان حريتهم أو استقلاليتهم فهو طول الوقت عمال يحسسك إنه إيه إنه العلاقة ممكن تبقي في أي وقت ده بيحسسه هو بالراحة
٦ سادس سبب بيخلي النرجس يهددك إنه يمشي إن هو عايز يعزز الاعتماد العاطفي والتبعية يعني عايزك تفضلي تابع له معتمدة عليه عاطفيا باستمرار ، دراسة أجريت في جامعة فاندربيلت سنة 2009 بتقول يستخدم النرجسيون التهديد بالرحيل كوسيلة لضمان بقاء الشريك متردد وخائف من فقدان العلاقة وهذا يعزز الاعتماد العاطفي على النرجسي مما يجعل الضحية أكثر استعدادا للتنازل لتلبية احتياجات النرجسي مهما كانت مطالبهم غير معقولة واظن ان كلنا شايفين فعلا ان مطالبهم مش منطقية ابدا وان فعلا الزوجة بترضخ لها لما بتكون لسة ماعرفتش انه نرجسي
وزي كل مرة لازم أقول لك اتعلمي وافهمي النرجسي وافهمي بيعمل الحاجة الفلانية ليه عشان اول حاجة ماتشخصنيش الأمور معاه ابدا فتحمي نفسك من ان ثقتك بنفسك تتهز وكمان ماتحزنيش عليه لانه مش سوي أصلا وفي نفس الوقت تحمي نفسك من الانفعال والحزن وتوقفي تفاعل معاه وتتعاملي بحدود وفهم وتوقفي تعامل معاه بالمشاعر تماما ، .... الباقي في اول تعليق
0:000:24 المقدمة
0:247:28 ليه النرجسي بيهدد بالطلاق
7:288:45 ماتشخصنيش الامور مع النرجسي
8:459:11 الخاتمة
#صحةـنفسية #القوة #الاكتئاب #النرجسي #النرجسية