पर्वती भागात मुठा कालव्याची भिंत कोसळल्यामुळे पुण्यात हाहा:कार उडाला. सकाळी 11 च्या सुमारास जनता वसाहतीजवळ कॅनॉलची भिंत कोसळल्याने पुण्याच्या रस्त्यांवर महापूर आल्याचं चित्र पाहायला मिळालं. कालव्याचं पाणी इतकं प्रचंड वेगाने होता की, क्षणार्धात जनता वसाहतीतील घरं पाण्याने भरली. अनेकांचं कौटुंबीक साहित्य उद्ध्वस्त झालं. अचानक पाणी आल्याने नेमकं काय होतंय हे कळलं नाही.