Xurxo Fernandes, Nuria Foz, 2017

No ano 1952 o etnomusicólogo Alan Lomax viaxou a Galicia para recompilar os arcaicos sons conservados no rural galego. Cincuenta anos despois, no ano 2002, Xurxo Fernandes, seguindo os pasos do estadounidense, entrevistou as mesmas informantes pouco antes da súa desaparición. A través da música, Xunta en Corcubión propón unha viaxe desde a Galicia do loito á Galicia máis desinhibida, desde a pobreza ao exceso, desde o oculto ao explícito, desde a convención social até o politicamente incorrecto.