كلمات معتق العياضي
اداء خالد العذب
تصميم الساطي
الكلمات ~
يا نسيم الليل يوم اسهر معك ماني هواوي
المراجل ما تبي راسٍ تلينه المخده
شبة النار بخلاٍ خالي لها قلبي شفاوي
ودلةٍ مربوبةٍ من سوق حايل قبل مده
هب يا اللي تاخذون امن المحطات القهاوي
ما عرفتوا لذة البن اليماني يوم اعده
اتركوني في فيافي نجد لو امسي خلاوي
ما يوسع خاطري غير السهال المجرهده
ديرة ربوعي قبيلة حرب مبعدة الهقاوي
عاد ديرة حرب من باب الكويت ل باب جده
ما خذوها غير في كونٍ تبين ابه العزاوي
والحكم والشرع مصقول يقص الروس حده
الدخيل نزبنه و نكرم الضيف الفداوي
و الحريب اليا طمع فينا وطينا فوق خده
والخوي الاجنبي نعطيه درس بمن يخاوي
ما يصح الا الصحيح ومن يخاف الله يعده
والقبايل فعلها مشهود والمجد امتساوي
كل منعورٍ معرب ساس نعم و لا تسده
مير زدنا ثم زدنا لين قفلنا الدعاوي
اسمنا حرب الدول والند مقرونٍ بنده
ويوم بايعنا معزي واخضر الواد السناوي
ما نسينا اللي عليها بيرق الحكم استرده
كل عام و عيدها برعاية الحر النداوي
الملك سلمان كلٍ طمعته تقبيل يده
والمداحم والتنافس ما يبى الطبع الحياوي
ماش خير بدون شر ، ولاش لين بدون شده
يا اهل الصفر استعدوا جايكم نجمٍ سماوي
صفرنا للمركز الاول تراها مستعده
اظهروا بوجيهكم ولا تجون امع الملاوي
من يشارك يكتب اسمه واسم ابوه وجد جده
جاكم اللي ينقح الفردي من امراح الغناوي
ان لقى له عمق ساس و كبر راس و عرض خده
يشقح السوق الرخيص و ينحر السوق الغلاوي
وراعي الصفراء الشناح يشاوره ف اللي يسده
ما هو مدور وكيلٍ يستغله بالرشاوي
يا سماسرة النظر تلقون بدوٍ مستجده
قلت له ترى البلاوي ما تبي غير البلاوي
والمداحم يمكن انه يقطع احبال الموده
قال جمع امنافسيني ما يجي لي في المناوي
مالهم غير الردوف ، ولا لنا غير الاشده
عاصبٍ راسه ولا له لا خشير ولا مقاوي
منتحر والمنتحر في المرجله ما احد يرده
عادت العمري ليا اقدم لا يهاب و لا يراوي
يا عجب عين الرفيق و يا عذاب اللي نضده
يا فلاح اقدم وربعك حرب محزمك الرهاوي
معك جمعٍ لو يمر العارض المنقاد هده
استحقيت و نعم و تجمل البشت الحساوي
قدك البشت الحساوي و النعم تراك قده
واحد ما هو على ميقاف ابن عمه حماوي
عد من دونه ولو شفته تعد و لا تعده
لاتنسى الاشتراك بالقناه
لايك ايذ عجبك الفديو
انشر الشيله في قروباتك واي مكان تبي لاهنت
لطلب التصميم واتس فقط ..
050 351 5927
رابط التلقرام
https://t.me/slltann
اذا الك محتوى وترغب بإزالة قالمقطع راسلني وتواصل معي وانا راح احذفه بدل ان ترفع شكوى [ وتضرني ]