Ustad Fateh Ali Khan
Nauha:
Yeh sochta hooN ke Abid ka haal kya hoga
Aseer hoake wo jab Shaam meiN gaya hoga
Suna hai Sham meiN jatey hi khoon roney laga
Na jaane Shimr ne uss waqt kya kaha hoga
Galey ke tauq ne Abid ko kya jhukana tha
Woh apney khoey huey laal dhooNdta hoga
Wo zulm deikhey haiN Sajjad ne Hussain ke baad
Mujhey yaqeeN hai ke ab tak bhi ro raha hoga
Wo yaad karta to hoga watan ki shaahi ko
Bahen ko dafn jo pardeis meiN kiya hoga
Jo ghaur keejey to Abid bashar nahiN lagta
Mere khayaal meiN dukh dard ka khuda hoga.
URL for Naat, Salam, Marsiya Playlist:
http://www.youtube.com/view_play_list...